Accessibility links

حکومەتی سوریا دەڵێت بەتەواوەتی شاری دەیرلزوریان کۆنتڕۆڵکردۆتەوە


سەرچاوەیەک لە سوپای سوریا و کەناڵی فەرمی وتیان هێزەکانی حکومەتی سوریا بەتەواوەتی شاری دەیرلزوریان کۆنتڕۆکردۆتەوە و لەژێر دەستی داعشدا دەریان هێناوە.

سەرچاوەیەکی سەربازی وتی " سوپای عەرەبی سوریا بە هاریکاری لەگەڵ هێزەکانی ڕەدیفە شاری دەیرلزوریان بەتەواوەتی ڕزگاکردکردووە لە داعش."

دەزگای ڕاگەیاندنی جەنگی سەر بە کۆمەڵەی حیزبوڵای لوبنانی هاوپەیمان لەگەڵ سوپای سوریا وتی سوپا گەڕەکەکانی حەمیدیە و شێخ یاسین و عەرەزی و ڕەشیدی لە کۆتا شەڕەکاندا کۆنتڕۆڵکردۆتەوە و تەنها گەڕەکی حەویقەی ماوە.

شاری دەیرلزور دەکەوێتە بەشی ڕۆژئاوای ڕووباری فوراتەوە و گەورەترین و گرنگترین شارە لە ڕۆژهەڵاتی سوریا و ناوەندنی بەرهەمهێنانی نەوتە.

هێرشەکانی سوریا بە پشتیوانی ڕوسیا و ئێران و هۆزە شیعەکان و هەروەها هێرشەکانی هۆزە سورییەکان کە ئەمەریکا پشتیوانیان لێدەکات بوونە هۆی شکستپێهێنانی داعش لە جیب و ئەو خاکانەی دیکە بەرەو دەیرلزور نزیک سنوری عێراق.

سەرچاوە/ ڕۆیتەرز

XS
SM
MD
LG