Accessibility links

ئەمەریكا ئۆپراسیۆنەكانی میانمار دژ بە رۆهینگیا بە پاكتاوی نەژادی ناودەبات


"پیشێلكارییه‌کانی حکومه‌ت وایانكردووە سەدان هەزار ژن و پیاو و منداڵ، ماڵوحاڵی خۆیان جێبهێڵن و داوای مافی پەنابەری لە بەنگلادیش بكەن". کە بە 620.000 کەس مەزەندە دەکرێت."

وەزیری دەرەوەی ئەمەریكا ئۆپراسیۆنە سەربازییەكانی میانماری لەدژی دانیشتوانی رۆهینگا بە پاكتاوی نەژادی وەسفكرد.


ریكس تێلرسن، لەبەیاننامەیەكدا ئاماژەی بەوەكردووە "دوای هەڵسەنگاندنێكی ورد و گشتگیر بۆ ئەو بەڵگەو راستیانەی لەبەردەستدان، ئەوە روونبووەتەوە كە ئەوەی لەویلایەتی راهینگی باكور دەگوزەرێت، پاكتاوی نەژادیە لەدژی رۆهینگیا".


ئەوەش لەكاتێكدا دێت كە هەفتەی رابردوو، بەرپرسێكی باڵا لەنەتەوە یەكگرتووەكان كردەوە سەربازییەكانی میانمار-ی بە نمونەیەكی راستی "پاكتاوی رەگەزی" وەسفكرد، بەڵام ئەوكات تێلرسن كە لەمیانمار بوو، هیچ دەستەوایەكی لەو شێوەیەی بەكارنەهێنا، بەڵام ئەوەی كە لەبەیاننامەكەی ئێستای تێلرسن-دا هاتووە، گۆڕانكارییەكی روونە لە هەڵوێستی ئەمەریكادا.


تێلرسن ، لەبەشێكی تری بەیاننامەكەیدا دەڵێت "ئەو پیشێلكاریانەی هەندێك لە میانمار ئەنجامی دەدەن لە ئەندامانی سەربەهێزە ئەمنییەكان و پاسەوانە ناوخۆییەكان بوون کە بوونەتە هۆی زیانی گەورە و وایانكردووە سەدان هەزار ژن و پیاو و منداڵ، ماڵوحاڵی خۆیان جێبهێڵن و داوای مافی پەنابەری لە بەنگلادیش بكەن". کە بە 620.000 کەس مەزەندە دەکرێت.


گوتیشی "ویلایەتە یەكگرتووەكان پشتیوانی لەئەنجامدانی لێكۆڵینەوەیەكی بێ لایەن دەكات سەبارەت بە بارودۆخی راهینگیا و لەداهاتوودا و لەڕێی یاساوە ئەمەریكا هەنگاوی خۆی دەنێت كە ئەگەری هەیە چەند سزایەكی ئاڕاستەكراو لەخۆ بگرێت… پێویستە بەرپرسانی ئەم تاوانكاریانە لێپێچینەوەیان لەگەڵدا بكرێت".

XS
SM
MD
LG