Accessibility links

لە ئەنجامی تەقینەوەیەکی خۆکوژیدا لە کابوڵ 40 کەس کوژران


بەرپرسان و شایەتحاڵان وتیان لە ئەنجامی هێرشێکی خۆکوژیدا بۆ سەر دەزگای هەواڵی دەنگی ئەفغان و ناوەندی ڕۆشنبیری لە کابوڵی پایتەختی ئەفغانستان دەیان کەس کوژران.

جێگری وتەبێژی وەزارەتی دەرەوەی ئەفغانستان نەسرەت ڕەحیمی وتی بەلایەنی کەمەوە 40 کەس کوژراون و 30 کەسی دیکە برینداربوون ئەمەش نوێترین هێرش بوو لەو زنجیرە هێرشانەی دەکرێنە سەر دەزگاکانی ڕاگەیاندن لە کابوڵ.

شایەتحاڵان وتیان هێرشەکە لەمیانەی کۆبوونەوەیەکی بەیانیانی ناوەندەکە ڕوویداوە و خوێندکارێکی زۆر ئامادەی کۆبوونەوەکە بوون.

ڕۆژنامەنووسی دەزگاکە سەید عەباس حسێنی وتی وادیارە دوو تەقینەوەکە لەمیانەی هێرشی یەکەم بۆ سەر دەرگای سەرەکی ڕوویداوە. وتیشی ڕۆژنامەنووسێکی دەزگاکە کوژراوە و یەکێکی دیکەیان برینداربووە.

دەزگا ئەفغانیەکە زیاتر لە شیعەکانەوە نزیکە و ڕێکخراوی داعش بەرپرسیارێتی هێرشەکەی ڕاگەیاندووە.

سەرچاوە/ ڕۆیتەرز

XS
SM
MD
LG