لە ماوەى چەند ڕۆژى رابردوودا دوو سەربازى سورىا پاش جیابونەوەیان لە سوپاى ئێستاى ئەو وڵاتە لە ڕێگاى خاڵى سنوورى رەبیعەى ڕۆژئاواى موسڵەوە بۆ ناو خاکى عێراق هەڵاتبوون، بەڵام دواتر حکومەتى عێراق لە ڕێگاى هێزەکانى پاسەوانى سنوورەوە ئەو دوو سەربازەیان رادەستى دهسهڵادارانى سوریا کردەوە.
ئەسیل نوجەیفى پارێزگارى موسڵ نیگەرانى خۆى لەو کارەى هێزەکانى پاسەوانى سنوور دەربڕى و ڕادەستکردنەوەى ئەو دوو سەربازە کە بە گوتەى ئەو لە مەرگ ههڵاتبوون، بۆ دەستى رژێمێکى دڕندە بە ترسناک و پێچەوانەى مافەکانى مرۆڤ و نەریتى نێودەوڵەتى وەسفکرد.
قەحتان سامى گوتەبێژى پارێزگاى موسڵ لەم بارەیەوە بە دەنگى ئەمهریکاى راگەیاند ئەو کارەى پاسەوانى سنوور ئەوە دەگەیهنێت کە ئەوان پاڵپشتى لە رژێمەکەى بەشار ئەلئەسەد دەکەن و ئەو کارەش بە بێ ئاگادارى حکومەتى ناوخۆیى و سەرکردایەتى عەمەلیاتى موسڵ کراوە و دەشڵێت ئێمە لەو کارە بێدەنگ نابین و پـێویستە ئەو کەسانە سزا بدرێن
دهتوانن گوێبیسـتی دهقی ڕاپـۆرتهكه بن له ڕێـگهی كلیـكـكردنی ئهو فایله دهنـگیـیانهی سهرهوهی دهسته چهپ، ماوهكهی 2:55 خولهكه.