Accessibility links

چه‌ند سێناتۆری ئه‌مه‌ریکا و هه‌روه‌ها سه‌رۆک تڕامپ پشتیوانی له‌ خۆپێشانده‌رانی ئێران ده‌که‌ن


له‌ ڕاسته‌وه‌ سێناتۆره‌کان: یانگ، کاتن و گراهام

سه‌رۆک تڕامپ له‌ تویتری خۆی دا ده‌ڵیت: " ئێمه‌ ناڕه‌زایه‌تی ئێوه‌ له‌ نزیکه‌وه‌ سه‌یر ده‌که‌ین. بوێری ئێوه‌ جێگای هیوایه‌."

هاوکاتی خۆپێشاندانه‌کانی خه‌ڵک له‌ ئێران سه‌باره‌ت به‌ که‌وتنه‌ خواره‌وه‌ی فڕۆکه‌ی یوکڕاینی که‌ بوو به‌ هۆی کوژرانی 176 که‌س و له‌ ئه‌م په‌یوه‌ندییه‌دا کۆماری ئیسلامی ڕاستی به‌ خه‌ڵک نه‌ده‌گوت که‌ خۆیان خستوویانه‌ته‌ خواره‌وه‌، هه‌ندێک له‌ ئه‌ندامانی کونگرێسی ئه‌مه‌ریکا پشتیوانی خۆیان له‌ خه‌ڵکی ئێران ڕاگه‌یاندووه‌.

تام کاتن سێناتۆری کۆماریخواز له‌ تویتر دا ئاماژه‌ به‌ خۆپیشاندانه‌کانی رۆژی شه‌مه‌ له‌ ئێران دا ده‌کات و ده‌نووسێت: خه‌ڵکی بوێری ئیران فریو ناخۆن. ئه‌وان هیچ گومانێکیان سه‌باره‌ت به‌ ئه‌و پیاوه‌ به‌دکارانه‌ی ده‌سه‌لاتیان به‌ سه‌ر ئه‌وان دا هه‌یه‌، نیانه‌. ئیستا که‌ ئه‌وان (خه‌ڵک) جارێکی دیکه‌ ده‌ڕژێنه‌ سه‌ر شه‌قامه‌کان، خودا پشتیوانی ئه‌وان و ئومێدی ئه‌وان، بۆ داهاتوویه‌کی باشتر بێت.

تاد یانگ سێناتۆری کۆماریخواز له‌ ئه‌یاله‌تی ئیندیانا ئه‌ندامێکی دیکه‌ی کۆنگرێس بوو که‌ پشتیوانی له‌ خۆپیشاندانی خه‌ڵک کرد. ئه‌و له‌ تویتری خۆیدا نووسی: بوێری خه‌ڵکی ئێران که‌ ئه‌مشه‌و له‌ شه‌قامه‌کان ده‌ستیان به‌ خۆپێشاندانی هێمنانه‌ کردوه‌ بۆ من جێگای هیوایه‌. خودا پشتیوانتان بێت!

هه‌روه‌ها لیندزی گراهام سێناتۆری کۆماریخواز و نوێنه‌ری ئه‌یاله‌تی کارۆلینای باشوور به‌ ئاماژه‌ کردن به‌ توئیتری مایک پامپێۆ وه‌زیری ده‌ره‌وه‌ی ئه‌مه‌ریکا نووسی که‌ ئه‌و له‌ گه‌ڵ ناوبراو هاوڕایه‌. خه‌ڵکی ئێران شایانی داهاتوویه‌کی باشترن. خه‌ڵکی ئه‌مه‌ریکا له‌ گه‌ڵ خه‌ڵکی ئێران بۆ ئازادییان شان به‌ شانن.

جیم بانکس ئه‌ندامی ئه‌نجومه‌نی نوێنه‌ران له‌ پارتی کۆماری له‌ ئه‌یاله‌تی ئیندیانا له‌ کاردانه‌وه‌ به‌رامبه‌ر به‌ خۆپێشاندانه‌کان له‌ ئێران گوتی: خۆپێشاندانه‌کانی ئێران هێمای ئۆمیده‌وارییه‌ که‌ خه‌ڵکی ئێران له‌ چنگ رژیمی سه‌رکوتکار و شه‌ڕخوازی ئێستا وه‌زاله‌ هاتوون.

هه‌روه‌ها مایک گاڵه‌گر، ئه‌ندامی ئه‌نجومه‌نی نوێنه‌رانی ئه‌مه‌ریکا له‌ تویتری خۆی دا به‌شێک له‌ گوته‌کانی بلاوکردۆته‌وه‌ که‌ له‌ وتووێژی له‌ گه‌ڵ ته‌له‌ڤزیۆنی ئێن بی سی دا گوتبووی: دانپێهێنانی ئێران بۆ به‌ردانه‌وه‌ی فڕۆکه‌ی مسافرهه‌ڵگری یوکڕاینه‌ گه‌واهێکی دیکه‌ بۆ ئه‌وه‌یه‌ که‌ خه‌ڵکی ئێران گه‌وره‌ترین قوربانێکانی رژیمن... من هیوادارم هاوپه‌یمانانی ئێمه‌ له‌ خستنه‌ سه‌ری گوشار بۆ سه‌ر رژیم و جیاکردنه‌وه‌یان له‌ خه‌ڵکی ئێران، له‌ گه‌ڵ ئێمه‌ یه‌کگرتووبن.

شه‌مه‌، چه‌ند کاتژمێر دوای ئه‌وه‌ی که‌ کاربه‌ده‌ستانی کۆماری ئیسلامی به‌ ناچار دانیان پێداهێنا که‌ فرۆکه‌ی مسافرهه‌ڵگری یوکڕاینه‌ له‌ ئاکامی هاویشتنی مووشه‌کی سوپای پاسداران که‌وتۆته‌ خواره‌وه‌، خه‌ڵکی ناڕازی ڕژانه‌ سه‌ر شه‌قامه‌کان و له‌ چه‌ند شوێن له‌ پێش زانکۆی ئه‌میرکه‌بیر و زانکۆی شه‌ریف له‌ دژی ڕێبه‌ری کۆماری ئیسلامی، سوپای پاسداران و کاربه‌ده‌ستانی دیکه‌ درووشمیان دا.

RTS2XNEZ
RTS2XNEZ

سه‌رۆک تڕامپ به‌رامبه‌ر به‌ خۆلی خۆپێشاندانه‌کانی خه‌ڵک له‌ ئێران کاردانه‌وه‌ی نیشان دا و له‌ تویتری دا گوتی: بۆ خه‌ڵکی بوێر و ئازار دیتووی ئێران: "ئه‌من له‌ سه‌ره‌تای خۆلی سه‌رۆکایه‌تیمه‌و له‌ گه‌ڵ ئیوه‌ بوومه‌ و به‌ڕیوه‌به‌رایه‌تی من هه‌روا شان به‌ شانی ئێوه‌ ده‌مێنێته‌وه‌. ئێمه‌ ناڕه‌زایه‌تی ئێوه‌ له‌ نزیکه‌وه‌ سه‌یر ده‌که‌ین. بوێری ئێوه‌ جێگای هیوایه‌."

حکومه‌تی ئێران ده‌بێت ڕیگا به‌ گرووپه‌کانی مافه‌کانی مرۆڤ بدات که‌ چاودێری بکات و له‌ سه‌ر ڕاستییه‌کان له‌ نێو ئێران له‌ سه‌ر ئه‌و خۆپێشاندانانه‌ی له‌ لایه‌ن خه‌ڵکی ئێرانه‌وه‌ ئه‌نجام ده‌درێن ڕاپۆرت ئاماده‌ بکه‌ن. ناکرێت نه‌ کوشتارێکی دیکه‌ خۆپێشانده‌رانی به‌ ئاشتی ڕووبدات، و نه‌ ئێنتیرنێتیش دابخرێت. جیهان چاو له‌ ڕووداوه‌کان ده‌کات."

XS
SM
MD
LG