حکومەتی سوریا داوای لە هێزەکانی تورکیا کرد لە عەفرین بکشێنەوە دوای ئەوەی هێزەکانی تورکیا دەستیان گرت بەسەر شارەکەدا.
وەزارەتی دەرەوەی سوریا لە دوو پەیامیدا بۆ سکرتێری گشتی نەتەوە یەکگرتووەکان و سەرۆکی ئەنجومەنی ئاسایشدا وتی " ڕاگەیاندنی داگیرکردنی عەفرین لەلایەن سەرۆکی ڕژێمی تورکیاوە کارێکی نایاساییە و لەگەڵ بنەما و ڕێساکانی نەتەوە یەکگرتووەکان و یاسا نێودەوڵەتییەکاندا یەک ناگرێتەوە."
وتیشی " سوریا داگیرکارییەکانی تورکیا لە عەفرین و ئەو تاوانانەی کە ئەنجامی دەدات لە شارەکەدا شەرمەزار دەکات و داوا لە هێزە داگیرکەرەکە دەکات بەخێرایی لە خاکی سوریا بکشێنەوە."
سەرچاوە/ ڕۆیتەرز