Accessibility links

تالیبان له‌ چه‌ندین هێرشدا لانی که‌م 29 ئه‌ندامی هێزه‌کانی ئاسایشی ئه‌فغانی کوشت


ئه‌و هێرشانه‌ له‌ 17مین ساڵوه‌گه‌ڕی کورژانی ئه‌حمه‌د شا مه‌سعوددا، دێت که‌ پێشه‌نگی خۆڕاگری به‌رامبه‌ر به‌ تالبیان له‌ ساڵه‌کانی ده‌یه‌ی 1990 بوو.

حێکمه‌ت دوورانی، گوته‌بێژی سه‌رۆکی پولیس له‌ هه‌ریمی مه‌یدان وارداک گوتی، هێرشی تالبیان بۆ سه‌ر سه‌رکردایه‌تییه‌کانی ناوچه‌ی ڕۆژئاوای له‌ دره‌نگانی شه‌مه‌ دابوو که‌ 10 ئه‌فسه‌ری پولیس و له‌ نێویان دا سه‌رۆکی پولیس کوژران. ئه‌و گوتی ده‌یان یاخیبووی تالیبان له‌ ئه‌م شه‌ڕه‌دا کوژراون.

له‌ هێرشێکی جیا له‌ دره‌نگانی شه‌مه‌دا، ملیتانه‌کان هێرشیان بۆ سه‌ر خاڵێکی پشکنین له‌ هه‌ریمی هێرات له‌ ڕۆژئاوا برد، نۆ له‌ ئه‌ندامانی هێزه‌کانی ئاسایشیان کوشت و شه‌ش که‌سی تریان بریندار کردن وه‌ک گێلانی فه‌رهاد ، گوته‌بێژی فه‌رماندار ڕایگه‌یاند. ئه‌و لۆمه‌ی خسته‌ سه‌ر تالبیان و ده‌ڵێت 10 که‌سی تالیبان له‌ ماوه‌ی شه‌ڕه‌که‌دا کوژران و پێنج که‌سیان برینداربوون.

له‌ هه‌مان کاتدا له‌ هه‌ریمی باغڵان له‌ باکوور، شه‌ڕکه‌رانی تالیبان هێرشیان برده‌ سه‌ر خاڵه‌کانی پشکنینی هێزی ئاسایش، 5 سه‌ربازیان کوشت وه‌ک غه‌ڤور ئه‌حمه‌د جاوید، گوته‌بێژ بۆ وه‌زاره‌تی به‌رگری ڕایگه‌یاند.

گوته‌بێژی سه‌رۆکی پولیسی هه‌ریمه‌که، زه‌بیحوڵا شوجاع گوتی چوار ئه‌فسه‌ری پولیس له‌ هێرشه‌که‌دا کوژران.

ئه‌و هێرشانه‌ له‌ 17مین ساڵوه‌گه‌ڕی کورژانی ئه‌حمه‌د شا مه‌سعوددا، دێت که‌ پێشه‌نگی خۆڕاگری به‌رامبه‌ر به‌ تالبیان له‌ ساڵه‌کانی ده‌یه‌ی 1990 بوو و له‌ لایه‌ن خۆته‌قێنه‌رێک کوژرا واتا دوو ڕۆژ پێش ئه‌وه‌ی هێرشه‌کانی 11ی سێپتامبر بۆ سه‌ر ئه‌مه‌ریکا بکرێن.

یه‌کشه‌مه‌، خۆته‌قێنه‌رێک هێرشی بۆ سه‌ر کاروانێک له‌ ئه‌و که‌سانه‌ برد که‌ ساڵوه‌گه‌ڕی ئه‌و ڕووداوه‌یان ڕێز ده‌گرت، که‌ لانی که‌م دوو که‌س تێیدا کوژران وه‌ک گوته‌بێژی وه‌زاره‌تی ته‌ندروستی گشتی واحید مه‌جروح ڕایگه‌یاند. ئه‌و گوتی 10 که‌سی تر له‌ نه‌خۆشخانه‌ن که‌ برینی هه‌ندێکان قورسن.

گوته‌بێژی پولیسی کابول حێشمه‌ت ستانیکزایی گوتی زوویه‌کی یه‌کشه‌مه‌ هێرشبه‌رێکی خوکوژی دیکه‌ له‌ لایه‌ن پولیس له‌ کابول کوژرا پێش ئه‌وه‌ی توانێت خۆ بته‌قێنێته‌وه‌.

XS
SM
MD
LG