Accessibility links

عەبادی: عێراق موچەی هێزەکانی پێشمەرگە و فەرمانبەرانی حکومەتی هەرێمی کوردستان دابین دەکات


سەرۆک وەزیری عێراق حەیدەر عەبادی بە ڕۆژنامەنووسانی وت حکومەتی عێراق بەنیازە بەمزووانە موچەی هێزەکانی پێشمەرگە و فەرمانبەرانی حکومەتی هەرێمی کوردستان بدات.

لە ساڵی 2014 ەوە دوای ئەوەی بەغداد بەشە بودجەی عێراقی بۆ هەرێمی کوردستان ڕاگرت حکومەتی هەرێمی کوردستان بەتەواوەتی ناتوانێت موچەی پێشمەرگە و فەرمانبەران بدات.

عەبادی بە ڕۆژنامەنووسانی وت " بەمزووانە دەتوانین موچەی هەموو پێشمەرگە و فەرمانبەرانی هەرێمەکە بدەین."

شەڕی سێ ساڵەی داعش بووە هۆی ئەوەی کێشەی ئابووری بۆ هەرێمی کوردستان دروست بکات و دوو هەفتە لەمەوبەر هێزە عێراقییەکانیش دەستیان گرتەوە بەسەر کەرکوک و هەموو کێڵگە نەوتییەکانی ناوچەکەدا.

لە ساڵی 2014 دوای ئەوەی هێزە عێراقییەکان لەبەرامبەر داعشدا لە کەرکوک شکستیان هێنا، هێزەکانی پێشمەرگە شارەکەیان کۆنتڕۆڵکردەوە و داعشیان لە شارەکە دەرکرد و ڕێگەیان نەدا میلیشیاکان دەست بگرن بەسەر کێڵگە نەوتییەکاندا.

سەرچاوە/ VOA

XS
SM
MD
LG