حكومه‌تی سودان و سه‌رهه‌ڵداوانی باشوور نزیكن له مۆركردنی ئاگر به‌ستێكی هه‌میشه‌یی - 2004-12-31

ئه‌مڕۆ هه‌ینی حكومه‌تی سودان و سه‌رهه‌ڵداوانی باشوور نزیكن له مۆركردنی ئاگر به‌ستێكی هه‌میشه‌یی به مه‌به‌ستی كۆتایی پێهێنانی 21 ساڵه‌ی شه‌ڕی ناوخۆ.

ناوبژیكه‌ران ده‌ڵێن وا چاوه‌ڕوان ده‌كه‌ن هه‌ردوو لایه‌ن ئاگربه‌سته‌كه و ڕێكه‌وتنێكیش مۆربكه‌ن سه‌باره‌ت به چۆنیه‌تی جێ به‌جێ كردنی دوا رێكه‌وتنی ئاشتی.

وا چاوه‌ڕوان ده‌كرێت عومه‌ر ئه‌لبه‌شیر سه‌رۆكی سودان و سابۆ مبێكی سه‌رۆكی ووڵاتی ئافریكای باشوور به‌شداری له مه‌ڕاسیمی مۆركردنی ئه‌و ڕێكه‌وتنه‌دا بكه‌ن كه له شاری نایڤاشای كینیا ده‌كرێت.