ڕۆژنامه‌ی نیۆرك تایمز ڕادەگه‌یه‌نێت كه‌وا پشكنه‌رانی نێونه‌ته‌وەیی داوای چونه ناوەوەی دوو ناوچه‌ی نهێنی له‌شكری ئێرانیان كردووە كه به پێی باوەڕی دەزگای زانیاری له‌وانه‌یه تاران بۆ دروستكردنی چه‌كی ناوەكی به‌كاریان بهێنێت.
هه‌مان ڕۆژنامه دەڵێت پشكنه‌رانی ئاژانسی ووزەی ئه‌تۆمی نێونه‌ته‌وەیی وێنه‌ی سه‌ته‌لایتیان دەربارەی تاقیكردنه‌وەی كه‌رەسته‌ی ته‌قینه‌وەی گه‌ورەیان بینیوە.
جێی باسه، له‌م هه‌فته‌یه‌دا ئێران ڕازی بوو به‌وەی چالاكیه‌كانی زاخكردنی یۆرانیۆم ڕابگرێت و هه‌میشه ئه‌مریكا فشاری دەخسته سه‌ر ئه‌وەی ئه‌و كێشە‌یه بخرێته به‌ردەم ئه‌نجومه‌نی ئاسایشی نه‌ته‌وە یه‌كگرتووەكان بۆ ئه‌گه‌ری دانانی سزای ئابوری له‌سه‌ر ئێران به‌هۆی ئه‌و تاوانانه‌ی خراونه‌ته پاڵ تاران.