كارمه‌ندانی كۆمپانیه‌كی بازرگانی سعودی له‌ به‌غدا فڕێندراون - 2004-11-01

كاربه‌دەستان له‌ عێراق دەڵێن كۆمه‌ڵێك چه‌كداری نه‌ناسراو ئه‌مه‌ریكیه‌ك و ئاسیاویه‌ك و دوو عه‌رەبیان له‌ ئۆفیسێكی ڕۆژئاوای به‌غدادا فڕاندووە.

پۆلیس له‌ گه‌ڕەكی ئاست به‌رزی مه‌نسور ئامادەی شوێنی ڕووداوەكه‌ بووە و گوتویه‌تی ئه‌و كۆمه‌ڵه‌ چه‌كدارە هێرشیان كردۆته‌ سه‌ر ئۆفیسه‌كانی كۆمپانیایه‌كی كۆنتراكتی بازرگانی عه‌رەبستانی سعودیه‌ له‌گه‌ڵ پاسه‌وانانی كۆمپانیه‌كه‌دا پێكدا هاتوون پێش ئه‌وەی له‌گه‌ڵ فڕێنراوەكاندا دەرباز ببن. پۆلیس دەڵێت یه‌كێك له‌ پاسه‌وانه‌كان و یه‌كێك له‌ فڕێنه‌رەكان كوژراوە.

تاوەكو ئێستاش ڕەگه‌زنامه‌ی ئه‌و فڕێنراوە ئاسیاوی و عه‌رەبه‌كان نه‌زانراوە.