ل ڕۆژا چارشه‌مبی ڕێكه‌فتی 31 ی مه‌ها 3 یا 2004 خراپكاران ل باژارێ فه‌لوجه یا عێراقێ چار مه‌ده‌نی یێن ئه‌مریكی كوشتن. ئه‌و نه جارا یه‌كێ یه هه‌م مه‌ده‌نی یێن ئه‌مریكی، هه‌م سه‌ربازێن ئه‌مریكی و هه‌م عێراقیێن لگه‌ل هه‌ڤپه‌یمانا كاری دكن تێنه كوشتن. به‌لێ ئاوایێ كوشتنا ڕۆژا چارشه‌مبی سه‌رنجا خه‌لكێ ل جێهانێ ڕاكێشا. بێڕێز كرنا مریان بوو به‌حسێ گه‌رم یێ ده‌زگه‌هێن ڕاگه‌هاندنێ و دیسان پڕسا پاراستنێ ل عێراقێ بوو خه‌ما هه‌ركه‌سه‌كێ په‌یوه‌ندیدار. ته‌وه‌رێ به‌رناما هه‌له‌و واشنتۆن یا دووی مه‌ها چار یا 2004 ێ سه‌باره‌ت ب ڕوویدانێت ل فه‌لوجه بوون. مێهڤاندارێ به‌رنامێ هه‌ڤكارێ مه ده‌خیل شه‌مۆ بوو و مێهڤانێت به‌رنامێ ژی به‌ڕێز به‌ختیار ئه‌مین، جێگرێ ئه‌ندامه‌كێ جڤاتا برێڤه‌برنا عێراقێ، و دكتۆر فواد حسێن، شه‌هره‌زایێ سیاسه‌تێ ل ڕۆژهه‌ڵاتا ناڤه‌ڕاست، بوون.
هه‌كه ته بڤێت گوه بده‌یه درێژیا ڤێ به‌رنامێ، ئه‌ڤ فایه‌لا ده‌نگی لسه‌ر ڤی په‌ڕی كلیك بكه.