ئهڤه گوهۆڕینهكا مهزنه د سهرایا سپی دا ل سهر دهمێ سهرۆك بوش ی كو دگۆت چێ نابت بۆ شیرهتڤانێت پاراستنا نیشتمانی كو شاهدی یێ پێش ههر كۆمیتهكا كۆنگرێس پێك تینت بدهت. لێ ئهڤ پڕسه هاته گوهۆڕین ژبهركو سهخبێرێ بهرسینگ گرتنا تیرۆریزمێ یێ بهرێ ل سهرایا سپی ڕیچارد كلارك هندهك خهتاباركرن ل سهر سهرایا سپی داناینه.
ئهو ڕێڤهبهریا سهرۆك بوش بناسكار دكهت كو پیته ب گهفێت تیرۆریستێ نهكر بوون بهری هێرشێت یازدهی سیپتهمبهرێ چونكی هزرا خوه ل سهر عێراقێ دانابوو.
دنامهیهكێ دا بۆ ڕاسپێریا ڤهكۆلینێ شیرهتڤانێ سهرایا سپی ئهلبرتو گونزاڵس چ بهحسێ تێبینیێت ڕێزدار كلارك نهكرن و گۆت كو سهرۆك دزانیت ڕاسپێریێ كارهكێ گرینگ ههیه و بڕیار دا كو خانم ڕایس ب ئاشكرای پێش ڕاسپێرێ شاهدیێ بدهت.
ڕێزدار گونزاڵس گۆت سهرایا سپی حهز دكهت كو كۆمبونهكا تایبهتی ناڤبهرا سهرۆك بوش كو سهرۆكێ ڕاسپێریا ڤهكۆلینێ بێته كرن. و گۆت سهرۆك بوش و جێگرێ سهرۆكی ( چێنی) حهز دكهن كو ب ههڤرا دگهل ئهندامێت ڕاسپێریێ پشت دهرگههێت بهستی كۆم ببن دا بهرسڤا پسیارا بدهنهڤه.