ڕه‌وشا سیاسی یا عێراقێ نوها پڕ ئالۆزه و وه‌كا ئالۆزیا ڕه‌وشا ئابوری یا وه‌لاتی. لعێراقێ، لده‌مێ هێزێت هه‌ڤالبه‌ندا و ئالیێت دی یێت عێراقی هه‌وڵا په‌یدا كرنا ته‌ناهیێ ددهن بۆ به‌رقه‌رار كرنا دیموكراسیه‌تێ، ئالیێن خراپكار وان هه‌وڵا تێك ددهن.
لده‌مێ ده‌نگ بلند دبن بۆ پێك ئینانا سیسته‌مه‌كێ عه‌لمانی ل وه‌لاتی، هنده‌ك ئالیان دڤێن شه‌ریعه‌تا ئیسلامێ بناغێ ده‌ستورێ وه‌لاتی به.
لده‌مێ كورد داخازا پێك ئینانا وه‌لاته‌كێ ئێك گرتی یێ فیدرالی دكن بۆ دابین كرنا مافێن خوه هنده‌ك هێز لناڤ عێراقێ و ده‌وروبه‌رێ عێراقێ ژی ده‌نگێ نه‌ڕازی بونێ بلند دكن.
و لده‌مێ ئه‌مریكا و پڕانیا ئه‌ندامێت جڤاتا ڕێڤه‌برنا عێراقێ له‌زێ دكه‌ن بۆ ڤه‌گوهاستنا ده‌سهه‌لاتێ ژ ئه‌مریكیان، ڕێبه‌رێ ئولی یان مه‌رجه‌عێ شیعان داخوازا هه‌لبژارتنێن ڕاستوخو دكه‌ت. ئه‌ڤه بابه‌تێن به‌رناما مه یا ڤێ هه‌فتیێ بون.
مێهڤاندارێ به‌رناما ڤێ هه‌فتیێ ده‌خیلێ شه‌مو بوو و مێهڤانێ به‌رنامێ دكتۆر فه‌رهاد ئیبراهیم بوو، پرۆفیسۆرێ زانستێت سیاسی ل زانكۆیا ئرفۆرت ل ئه‌ڵمانیا.
هه‌كه‌ر ته بڤێت گوه بده‌یه ڤێ به‌رنامێ، ئه‌ڤ فایه‌لا ده‌نگی لسه‌ر ڤی په‌ڕی كلیك بكه.