Accessibility links

سه‌رگوتار:  ئیرانێ پێتڤی ب هه‌لبژارتنێن ئازاد هه‌یه - 2004-01-18


ل به‌ره هه‌لبژارتنێن په‌رله‌مانی مه‌ها بێت ل ئیرانێ بێنه كرن، به‌لێ هه‌تا گوهه‌ڕینێن بله‌ز چێ دبن هه‌لبژارتن دێ دویر بن ژ ئازادی و ڕه‌وایێ ئه‌و ژی چنكو جڤاتا شورایا نگه‌هبان یا نه‌ هه‌لبژاردتی ل ئیرانێ پتر ژ 40 ژ سه‌دێ ژ 8 هه‌زرا به‌ربژارێن په‌رله‌مانی به‌ندكرن.

ژ ناڤ به‌ربژارێن به‌ندكری 80 ئه‌ندامێن نوها یێن په‌رله‌مانێ 290 ئه‌ندامن.

جڤاتا شورایا نیگه‌هبان پێداچۆنێ دكه بسه‌ر ته‌ڤایا قانونێن ئیرانێ هه‌تا لگه‌ل شه‌ریعه‌تا ئیسلامێ رێك بكه‌ڤه و هه‌روه‌سا ئه‌و ڤه‌كۆلینێ دكه ل سه‌ر باوه‌رێن ئایدۆلۆژی، سیاسی و ئولی یێن ته‌ڤایا كاندیدان و بتنێ بوان كه‌سا ڕازی دبه ئه‌وێن پشته‌ڤانیا ده‌وله‌تا ئولی دكن هه‌تا مه‌لایێن نه‌هه‌ڤبیر دگه‌ل ڕێبازێن حکومه‌تێ ژ هه‌لبژاتنا هاتنه دورئێخستن.

ل هه‌لبژارتنێن په‌رله‌مانی ساڵا 2000 جڤاتا شورایا نیگه‌هبانا ئیرانێ 10 ژ سه‌دێ ژ 6 هه‌زار كاندیدان ژ هه‌لبژارتنا دویر ئێخستن پرانیا ئه‌و به‌ربژارێن دویر ئێخستی ب ئه‌شكه‌ره‌یی ئالیكاریا ڕێفورمێن سیاسی دكن.

دگه‌ل هندێ ژی گه‌له‌ك نه‌رم ڕێ گه‌هیشتن ده‌ست هه‌لاتێ و پرانیا په‌رله‌مانێ هه‌لبژارتی ژ ئالیێ ئیرانیان ڤه گوهه‌ڕینخوازن، لێ ژوێ ده‌می وه‌ره چه‌ندین ڕیفۆرمخوازێن هاتینه هه‌لبژارتن بۆ په‌رله‌مانی ژ ئالیێ جڤاتا شورایا نیگه‌هبان ڤه هاتنه ڤیتۆ كرن.

دویرئێخستنا ژماره‌كا گه‌له‌ك مه‌زنا به‌ربژاران وه‌سا دیاره دێ هه‌وله‌ك به ژبۆ مسۆگه‌ر كرنا لاواز كرنا نوێنه‌رێن گوهۆڕین خواز د جڤاتا بێت یا په‌رله‌مانی ده.

ئه‌ڤ كریارێ جڤاتا شورایا نیگه‌هبان جهێ نه‌ڕازی بوونا توندا خه‌لكێ ئیرانێیه ژوانا ژماره‌كا مه‌زنا كاربده‌ستێن حكومه‌تێ و ل ده‌رڤه‌ ئیرانێ ئێكه‌تیا ئه‌وروپی و وه‌لاتێن ئێكگرتیێن ئه‌مریكا ب ئه‌شكه‌ره‌یی ڕه‌خنه‌یێ لێ دگرن.

ئاده‌م ئیره‌لی جێگرێ په‌یڤدارێ وه‌زاره‌تا ده‌رڤه‌یا ئه‌مریكا ژ حكومه‌تا ئیرانێ خوه‌ست ڕازی نه‌به ل سه‌ر هه‌ولێن جڤاتا شورایا نیگه‌هبان بۆ پێك ئینانا ئه‌نجامێن هه‌لبژارتنێن 20 مه‌ها 2 شوباتێ ب ڕه‌نگێ وان بڤێت.

جێگرێ په‌یڤدارێ وه‌زاره‌تا ده‌رڤه‌یا ئه‌مریكی گۆت "باشترین بڕیار كا كی وه‌لاته‌كێ ب ڕێڤه‌ ببه ژ ئالیێ هه‌ڤوه‌لاتیێن سه‌رانسه‌ری وی وه‌لاتی د پرۆسه‌یه‌كێ ئه‌شكه‌ره و ڕوهن ده تێنه وه‌رگرتن. بژاره‌یێن ل پێش خه‌لكێ ژبۆ هندێ دڤێت نه‌ئێنه ڤه‌بڕ كرن ژ ئالیێ ده‌زگه‌هێن دی ڤه، ئه‌و وان هه‌لبژارتنا ڕه‌ت بكن یان ب ئه‌نجاما ڕازی نه‌بن."

وه‌كا سه‌رۆك George W. Bush گۆتی دڤێت ڕژێما ئیرانێ گوهێ خوه بده‌ت داخوازێن دیموكراتی یێن خه‌لكێ ئیرانێ یان دێ داویترین ئدعا ڕه‌وایی یا خوه ژ ده‌ست بده‌ت.

هه‌كه‌ر ته بڤێت گوه بده‌یه ڤێ گوتارێ، ئه‌ڤ فایه‌لا ده‌نگی ل سه‌ر ڤی په‌ڕی كلیك بكه.

وه ئه‌ڤ گوتاره بیر و بۆچوونا حكومه‌تا وه‌ڵاتێت ئێكگرتی یێت ئه‌مریكایه.

XS
SM
MD
LG