ب ده‌هان ئه‌ندامێت په‌رله‌مانێ ئیرانێ كو ئێك ژوان برایێ سه‌رۆكێ ئیرانی محه‌مه‌د خاته‌مییه دبێژن: گره‌ڤا نه‌رازیبونا وان دێ به‌رده‌وام بت هه‌تا كو داخازێت وان بۆ هه‌لبژاردنا ئازاد و ڕه‌وا و قانونی بێنه بجه ئینان.
قانون دانه‌ر بزاڤێ دكن ئه‌و بڕیار ژ لایێ ئه‌ندامێت بلند یێت شوره‌یا نگه‌‌هبان كو لڤێ هه‌یڤێ هاتیه دان بگوهۆرنه‌ڤه یا دویرخستنا نێزیكی نیڤه‌كا وان 8000 به‌ربژارێت ریفۆرمخواز ژ هه‌لبژاردنێت مه‌ها بێت یێت په‌رله‌مانی.
ده‌مه‌كێ دره‌نگ لڕۆژا چارشه‌مبی، ڕێبه‌رێ ئولی ئایه‌تولله عه‌لی خامنئی داخاز ژ جڤاتێ كر جاره‌كا دی ب وێ بڕیارێدا بچنه‌ڤه. وی گۆت به‌ربژار دڤێت تنێ هنگی ژ هه‌لبژاردنا بێنه دویرخستن ده‌مێ كو به‌ڵگێت ڕه‌وا هه‌بن ئه‌و به‌ر هه‌لبژاردنێ ناكه‌ڤن.
وێ جڤاتێ ده‌سهه‌ڵاتا هندێ هه‌یه بڕیارێت ژ لایێ په‌رله‌مانی ڤه تێنه دان ڤیتۆ بكن. و هه‌روه‌سا ده‌ستهه‌ڵاتا ده‌ست نیشان كرنا به‌ربژارا هه‌یه. پتر ژ 80 ئه‌ندامێت نوها یێت په‌رله‌مانی دناڤ وان دابین یێت كو هاتنه دویرخستن ژ هه‌لبژاردنێت هه‌یڤا بێت كو ئێك ژوان جێگرێ سه‌رۆكێ په‌رله‌مانییه، محه‌مه‌د ڕزا خاته‌می برایێ بچوك یێ سه‌رۆكێ ئیرانی محه‌مه‌د خاته‌می.