لهشكرێ ئهمریكی گۆت سهربازان 11 خراپكارێن عێراقی كوشتن ئهوێن دڤیان بۆسهیهكی دانن دوهی دووشهم ل باكورا باژارێ بهغدا. داخویانیهكا لهشكری گۆت هێزێن ئهمریكی چ زیان نهدان د سهرهاتیهكێ دا كو ل سامهرا قهومی، سهد كیلۆمهتران باكوورا بهغدا یا پایتهخت. د سهرهاتیهكا جودا دا ئیرۆ، سێ شهمبی سێ سهربازێن ئهمریكی بریندار بوون د پهقینهكا ل سهر رێكهكێ ل تكریت. ل باژارێن رمادی و فهلوجه، ئالی گرێن سهدام حسینی خوهنیشان دان دهرهنگیا دوهی دووشهمبی كرن. سهربازێن ئهمریكی تهقه ل خوهنیشاندانا كر و ل ههر یهك ژ دوو باژاران دوو كهس كوشتن پشتی خوهنیشاندان بوونه توند و تیژی.