Accessibility links

کۆمه‌ڵێـکی چه‌کدار له‌ عێراق ڤیدیۆی ڕفێندراوێـکی ئه‌مه‌ریکی بڵاوده‌کاته‌وه‌


کۆمه‌ڵێـکی میلیشـیای شیعه‌ له‌ عێراق ڤیدیۆیه‌کی بڵاوکردۆته‌وه‌ و تیایدا که‌سێـک نیشـان ده‌دات که‌ پـێده‌چێت ئه‌و کۆنتراکتچیـه‌‌ ئه‌مه‌ریکـیـیه‌ بێت که‌ له‌ مانگی ڕابردووه‌وه‌ دیار نه‌ماوه‌.

ڤیدیۆکه‌ له‌سه‌ر ماڵپه‌ڕێـک بڵاوکرایه‌وه‌ و پـیاوێـک به‌ جلوبه‌رگی سه‌ربازی ئه‌مه‌ریکیـیه‌وه‌ نیشـان ده‌دات که‌ له‌سه‌ر کورسـیـیه‌ک دانیشـتووه‌ و له‌ پشـته‌وه‌ی له‌سه‌ر به‌یداخێـک به‌ عه‌ره‌بی نووسـراوه‌ " عصائب أهل ألحق " و " کتیبة إمام على."

ڕۆژی هه‌ینی وه‌زاره‌تی به‌رگری ئه‌مه‌ریکا ڕایگه‌یاند که‌وا کۆنتراکتچیـیه‌کی ئه‌مه‌ریکی ته‌مه‌ن 60 سـاڵ به‌ ناوی عیسـا سه‌لومی له‌ 23 ی مانگی یه‌که‌وه‌ بێ‌سه‌روشـوێن بووه‌ و هه‌وڵه‌کانی گه‌ڕان و پـشـکنین به‌ دوایدا به‌رده‌وامه‌.

پـیاوه‌که‌ که‌ له‌ ڤیدیۆکه‌دا نیشـان درا خۆی نه‌ناسـاند، به‌ڵام داوای ئه‌و کۆمه‌ڵه‌ چه‌کداره‌ی خوێنده‌وه‌ و بریتبوو له‌ ئازادکردنی زیندانیـیه‌ عێراقیـیه‌کان و کشـانه‌وه‌ی هێزه‌کانی ئه‌مه‌ریکا له‌ عێراق.

بابه‌تی په‌یوه‌ندیدار

XS
SM
MD
LG