سه‌رۆک ئۆباما دوێنێ دووشه‌ممه بوجه‌یه‌کی فیدراڵی ئاشـکرا کرد که خه‌رج هه‌تا ڕاده‌ی 3.8 ترلیۆن دۆلار ڕاده‌گرێت و هه‌وڵی جیدی ده‌دات که‌می بوجه‌ی ئه‌مسـاڵ هه‌تا 1.6 ترلیۆن بهێڵێته‌وه.
بوجه‌که ئه‌و 100 ملیار دۆلاره‌ش ده‌گرێته‌وه که بۆ پـرۆگرامی خولقاندنی کاری نوێـیه. هه‌روه‌ها زیادکردنی خه‌رج بۆ به‌شه‌کانی په‌روه‌رده و فێرکردن و له‌شـکریش ده‌گرنه‌وه.
سه‌رۆک ئۆباما سـۆزی دا له ڕێـگای بردنه سه‌ری باج بۆ سه‌ر ئه‌و ئه‌مه‌ریکایـیانه‌ی ده‌ست‌ڕۆیشـتون و که‌مکردنه‌وه‌ی خه‌رجیـیه‌کانی خۆجێی که‌می بوجه هه‌تا نیوه که‌م بکاته‌وه.
ئه‌م بوجه‌یه ئه‌گه‌ر له لایه‌ن کۆنگرسه‌وه په‌سه‌ندبکرێت 1 ی مانگی ده‌ی ئه‌مسـاڵ به کرده‌وه ده‌ست به جێبه‌جێـکردنی ده‌کرێت، به‌ڵام کۆماریـیه‌کانی ئۆپـۆزسیۆن ده‌سـتبه‌جێ ڕه‌خنه‌یان له‌م بوجه‌یه گرت.
