Accessibility links

خۆکوژێـک خۆی له‌ به‌رده‌م یانه‌ی ڕۆژنامه‌وانان له‌ پـیشـاوه‌ر ده‌ته‌قێنێته‌وه‌ و 3 که‌س ده‌کوژێت


کاربه‌ده‌سـتانی پاکسـتان ده‌ڵێن خۆکوژێـک خۆی له‌ به‌رده‌م یانه‌یه‌کی ڕۆژنامه‌وانان له‌ شـاری پـیشـاوه‌ر ته‌قاندۆته‌وه‌ و له‌ ئاکامدا 3 که‌س کوژراون.

کاربه‌ده‌سـتان ده‌ڵێن ڕۆژی سێشه‌ممه‌ له‌و ده‌مه‌ی پـۆلیسێـک له‌ به‌ر ده‌رکی یانه‌که‌ هه‌وڵی داوه‌ خۆکوژه‌که‌ بـبشـکنێت، ده‌م‌وده‌ست خۆکوژه‌که‌ خۆی ته‌قاندۆته‌وه‌ و پـۆلیسه‌که‌ و ئه‌ندامێـکی یانه‌که‌ و ژنێـکی کوشـتووه‌ و هه‌روه‌ها 17 که‌سی دیکه‌ش بریندارکردووه‌.

جێی ئاماژه‌ پـێـکردنه‌ ئه‌مه‌ یه‌که‌م هێرشه‌ بکرێته‌ سه‌ر شوێنێـکی سه‌ر به‌ داموده‌زگاکانی ڕاگه‌یاندن له‌ پـیشـاوه‌ر، که‌ له‌م دوایـیانه‌دا چه‌ندین ته‌قینه‌وه‌ی کۆشـنده‌ی لێکرا. میلیشـیاکان له‌ سه‌رانسه‌ری پاکسـتاندا هێرش ئه‌نجام ده‌ده‌ن، ئه‌ویش له‌ تۆڵه‌ی ئه‌و هه‌ڵمه‌تانه‌ی له‌شـکر ده‌یکاته‌ سه‌ر مۆڵـگه‌کانی تاڵیبان له‌ ناوچه‌کانی باکوری ڕۆژئاوای وڵاته‌که‌.

بابه‌تی په‌یوه‌ندیدار

XS
SM
MD
LG