ده‌سه‌ڵاتدارانی میسر ده‌ڵێن شه‌وی شه‌ممه له جیزه باشوری قاهیره شه‌مه‌نده‌فه‌رێـک خۆی کێشـاوه به شه‌مه‌نده‌فه‌رێـکی دیکه‌دا که له به‌رده‌میدا وه‌سـتابوو و له ئاکامدا به لانی که‌م 18 که‌س گیانیان له‌ده‌سـتدا و 39 که‌سی دیکه‌ش برینداربوون.
شه‌مه‌نده‌فه‌ره وه‌سـتاوه‌که به‌ره‌و فه‌یوم ده‌چوو و ئه‌وی دیکه‌یان به‌ره‌و شـاری ئه‌سیوت.
پـێـکدادانه‌که له نزیک شـارۆچکه‌ی عیاتی جیزه ڕوویدا، ئه‌و شوێنه‌ی له مانگی دووی سـاڵی 2002 دا شه‌مه‌نده‌فه‌رێـک گڕێ تێبه‌ربوو و تیایدا 360 که‌س گیانیان له‌ده‌سـتدا.
له مانگی هه‌شتی 2006 یشدا پـێـکدادانێـکی دیکه‌ی شه‌مه‌نده‌فه‌ر له میسر ڕوویدا و تیایدا 58 که‌سی دیکه‌ش بوونه قوربانی.