Accessibility links

هێزه‌كانی ئه‌مریكا وێنه‌گرێـكی ڕۆیته‌رز له‌ عێراق به‌رده‌ده‌ن


سوپای وڵاته‌ یه‌كگرتووه‌كانی ئه‌مریكا ڕۆژنامه‌وانێـكی وێنه‌گری ئاژانسی ڕۆیته‌رزیان ئازادكرد پاش به‌ندكردنی بۆ ماوه‌ی سێ هه‌فته‌ به‌بێ دادگایـیكردن.

ڕۆژنامه‌وانی وێنه‌گر عه‌لی ئه‌لمه‌شـهه‌دانی له‌ 30 ی مانگی حه‌وتی ڕابردوودا له‌ كاتی به‌ده‌سـتهێنانی پـێناسه‌ی ڕۆژنامه‌گه‌ری له‌شـكری له‌ ناو گرین زۆنی پارێزراوی به‌غدادا ده‌سـتگیركرابوو. له‌شـكری ئه‌مریكا ده‌ڵێت له‌و كاته‌دا ناوبراویان به‌ مه‌ترسی و هه‌ڕه‌شه‌ دانابوو بۆ سه‌ر ئاسایشی عێراق و هێزه‌كانی هاوپه‌یمانان.

ئه‌مه‌ سێهه‌م جاره‌ هێزه‌كانی سـوپا ئه‌لمه‌شـهه‌دانی ده‌سـتگیر بكه‌ن، ناوبراو كه‌ بۆ ڕادیۆی BBC و ڕادیۆیه‌كی گشتی بنكه‌ له‌ ئه‌مریكا كارده‌كات له‌ مانگی هه‌شـتی سـاڵی 2005 دا بۆ ماوه‌ی پـێـنج مانگ به‌ندكرابوو و پاشـان سـاڵێـك دوای ئه‌وه‌ بۆ ماوه‌ی دوو هه‌فته‌ی تریش ده‌سـتگیركرایه‌وه‌.

شـایانی باسه‌ به‌ڕێوه‌به‌رانی به‌ڕێز ئه‌لمه‌شـهه‌دانی و ڕێـكخراوه‌كانی ئازادی ڕاگه‌یاندن دووباره‌ بوونه‌وه‌ی ده‌سـتگیركردنی ناوبراویان به‌بێ تاوان سه‌رزه‌نشت كردبوو و داوای ڕوونكردنه‌وه‌شـیان كردووه‌.

له‌ لای خۆیه‌وه‌ سـوپای ئه‌مریكا ده‌ڵێت به‌پـێی مۆڵه‌تی نه‌ته‌وه‌ یه‌كگرتووه‌كان بۆیان هه‌یه‌ هه‌ر كه‌سـێـك ده‌سـتگیر بكه‌ن كه‌ به‌ هه‌ڕه‌شه‌ بۆ سه‌ر ئاسایش داده‌نرێت.

بابه‌تی په‌یوه‌ندیدار

XS
SM
MD
LG