Accessibility links

ئۆپه‌راسیۆنی له‌شکری له دژی چه‌کدارانی شیعه له میسان ده‌ستپێده‌کات


ئۆپه‌راسیۆنی هێزه‌کانی پاراستنی عیراقی له دژی چه‌کدارانی شیعه رۆژی پێنجشه‌ممه له باشووری ووڵات ده‌ستیپێکرد.

ئۆپه‌راسیۆنه‌که له پارێزگای میسان و پایته‌خته‌که‌ی، که شاری عه‌مماره‌یه، به‌رێوه‌ده‌چێت.

كۆمانداره‌کانی له‌شکری ئه‌مریکی ئه‌و ناوچه‌یه به بنکه‌ی به قه‌چاغهێنانی چه‌ک له ئێرانه‌وه ناو ده‌به‌ن. پارێزگای میسان پێگه‌یه‌کی به‌هێزی ئۆلداری توندرێی شیعه موقته‌دا سه‌در و گروپی چه‌کداری له‌شکری مه‌هدییه.

ئۆپه‌راسیۆنی پارێزگای میسان دواترین هه‌وڵی سه‌رۆک وه‌زیری عیراقی نوری مالکییه بۆ به‌رسنگگرتنی چه‌کدارانی شیعه و دوابه‌دوای ئۆپه‌راسیۆنی هاوشێوه‌یه له شاری به‌سرای باشووری عیراق و شاری سه‌در له به‌غدا.

له باکووری عیراق و له ئۆپه‌راسیۆنێکی دژی گروپی ئه‌لقاعده له عیراق 22 تیرۆرستی گومانلێکراو له لایه‌ن هێزه‌کانی هاوپه‌یمانانه‌وه دهستگیر کران.

XS
SM
MD
LG