Accessibility links

جۆن مه‌ككه‌ین ڕه‌خنه‌ له‌ سیاسه‌ته‌ ئابوریـیه‌كانی باراك ئۆباما ده‌گرێت


جۆن مه‌ككه‌ینی كاندیدی كۆماریـیه‌كان بۆ سه‌رۆكایه‌تی ده‌ڵێت باراك ئۆبامای نه‌یاری دیموكرات ئه‌گه‌ر به‌ سه‌رۆك هه‌ڵبـبژێردرێت ئه‌وا ده‌بێته‌ مایه‌ی به‌رزبوونه‌وه‌ی باج كه‌ ئه‌وه‌ش نه‌خشه‌یه‌كه‌ به‌ گوته‌ی مه‌ككه‌ین زیان به‌ كارداری ئه‌مه‌ریكا ده‌گه‌یه‌نێت.

ڕۆژی سێشه‌ممه‌ مه‌ككه‌ین له‌ كۆبوونه‌وه‌یه‌كی خاوه‌ن كۆمپانیا بچووكه‌كان له‌ واشـنتن به‌ ئاماده‌بووانی ڕاگه‌یاند نه‌خشه‌ی ئۆباما بۆ هه‌ڵـوه‌شـاندنه‌وه‌ی پلانی سه‌رۆك بوش بۆ كه‌مكردنه‌وه‌ی باج ده‌بێته‌ هۆی گه‌وره‌ترین كێشه‌ی باج له‌وه‌ته‌ی شه‌ڕی جیهانی دووهه‌مه‌وه‌.

ئۆباما ڕه‌خنه‌ی له‌ پـشـتیوانكردنی مه‌ككه‌ین بۆ به‌رنامه‌ی كه‌مكردنه‌وه‌ی باجی سه‌رۆك بوش گرتبوو و ده‌ڵێت به‌ڕێوه‌به‌رایه‌تی بوش له‌ ڕووی دارایـیه‌وه‌" هه‌ره‌ نابه‌رپـرسیارترینه‌ له‌ مێژوودا."

مه‌ككه‌ین هه‌روه‌ها به‌ڵێنی دا به‌ په‌یڕه‌ویـكردنی ڕێـكه‌وتنـنامه‌ی بازرگانی نێوده‌وڵه‌تی كه‌ ده‌ڵێت یارمه‌تی ئه‌دات نێردراوه‌كانی ئه‌مه‌ریكا به‌هێزتر بهێڵێتـه‌وه‌.

ئۆباما ده‌ڵێت ده‌خوازێت ده‌سـكاری ڕێـكه‌تنـنامه‌ی بازرگانی ئازادی ئه‌مه‌ریكای باكور و له‌گه‌ڵ مه‌كسـیـك و كه‌نه‌دا بكات كه‌ زۆربه‌ی كرێـكاره‌ ئه‌مه‌ریـكیـیه‌كان به‌ گواسـتنه‌وه‌ی كار و پـیشه‌ بۆ وڵاتانی دیكه‌ تاوانباری ده‌كه‌ن.

XS
SM
MD
LG