Accessibility links

عێراق پاش پـێنج سـاڵ له‌ ڕووخاندنی ڕژێمی سه‌دام حسێن


له‌ كاتێـكدا پـێنجه‌مین سـاڵیادی هێنانه‌ خواره‌وه‌ی په‌یكه‌ره‌كه‌ی سه‌دام حسێن بوو له‌ گۆڕه‌پانی فرده‌وس و هه‌ڵـوه‌شـاندنه‌وه‌ی ڕژێمه‌ دیكتاتۆریـیه‌كه‌ی، فه‌رمانده‌ی باڵای وڵاته‌ یه‌كگرتووه‌كان له‌ عێراق ژه‌نه‌ڕاڵ ده‌یڤد په‌تریه‌س و باڵوێزی ئه‌مه‌ریكا له‌ عێراق ڕایان كرۆكه‌ر له‌ به‌رامبه‌ر كۆنگرسی وڵاته‌ یه‌كگرتووه‌كان خه‌ریكی گه‌واهیدان بوون له‌باره‌ی باری عێراق و چۆنێتی به‌ڕێوه‌چوونی كاره‌ له‌شـكریـیه‌كان و دیبلۆماتیـیه‌كانیان و كاریگه‌ری فه‌رمانی فره‌تركردنه‌وه‌ی هێزه‌كان له‌ عێراق له‌ لایه‌ن سه‌رۆك بوشه‌وه‌.

له‌ پـێـنجه‌مین سـاڵیادی ڕووخاندنی ڕژێمی سه‌دام حسێن له‌ جیاتی شـادی و ئاهه‌نگ‌گێڕان، به‌غدا و هه‌ندێ له‌ به‌شـه‌كانی تر و شـاره‌كانی تری عێراق قه‌ده‌غه‌ی هاتوچۆی به‌سه‌ردا سه‌پـێنرابوو و شه‌قام و خیابانه‌كانی عێراق له‌ ڕۆژانی تر چۆڵتر بوونه‌.

ئینجا بۆ ئه‌وه‌ی بزانین عێراقیـیه‌كان له‌ دوای ڕژێمی سه‌دام حسێن چیان ده‌سته‌به‌ر كردووه‌، وه‌ ئاسـته‌نگه‌كانی به‌رده‌میان چین تا‌ له‌ وڵاتێـكی دیموكراتی فیدراڵدا پـێـكه‌وه بژین، هاوكارمان جانی دیلان له‌ میانه‌ی به‌رنامه‌ی هه‌له‌و واشـنتنی ئه‌م هه‌فته‌یه‌دا میوانداری دوو ئه‌ندامی كوردی په‌رله‌مانی عێراقی كردووه‌ كه‌ ئه‌م به‌ڕێزانه‌ن:

عه‌بدوڵڵا سـاڵح
ئازاد چالاك

ده‌توانن گوێبیسـتی ده‌قی به‌رنامه‌كه‌ بن له‌ ڕێـگه‌ی كلیككردنی ئه‌و فایله‌ ده‌نـگیـیه‌ی سه‌ره‌وه‌. ماوه‌ی به‌رنامه‌كه‌ 46 خوله‌كه‌.

XS
SM
MD
LG