جه‌بار یاوه‌ر ده‌ڵێت توركیا خوێندنگه‌یه‌كی نوێـی بۆردومان كردووه‌ كه‌ بڕیار وابوو ئه‌مڕۆ بكرێته‌وه‌

جه‌بار یاوه‌ر ده‌مڕاستی فه‌رمانده‌ی هێزی پـێشـمه‌رگه‌ی كوردسـتان له‌ وتووێـژێـكدا له‌گه‌ڵ هاوكارمان موعته‌به‌ر شیروانی سه‌باره‌ت به‌ بۆردومانه‌كانی توركیا ده‌ڵێت زۆربه‌ی گوندنشینه‌كانی ئه‌و ناوچانه‌ به‌یانی له‌ ترسی بۆردومانه‌كان گونده‌كانی خۆیان چۆڵـكردووه‌ و زۆر به‌ ترس و له‌رزه‌وه‌ ڕوویان كردۆته‌ ناوچه‌كانی ڕانیه‌ و ده‌وروبه‌ری و ماڵ و حاڵی خۆیان هه‌مووی به‌جێهێشتووه‌ و ته‌نها به‌ سه‌ڵتی ده‌رچوون. پاشـان جه‌بار یاوه‌ر ده‌ڵێت به‌پـێی هه‌ندێ ده‌نگوباس یه‌كێـك له‌ شـوێنه‌ بۆردومانكراوه‌كان خوێـندنگه‌یه‌كی گه‌ره‌ بووه‌ كه‌ تازه‌ حكومه‌تی هه‌رێمی كوردسـتان بۆ منداڵان و خوێندكارانی ئه‌و ناوچه‌یه‌ دروستیكردبوو و بڕیار وابوو ئه‌مڕۆ بكرێـته‌وه‌ بۆردومانكراوه‌ و له‌گه‌ڵ زه‌ویدا خاپـور و ته‌خت كراوه‌.

ده‌توانن گوێـبیـستی ده‌قی وتووێـژه‌كه‌ بن له‌ ڕێـگه‌ی كلـیـكـكردنی ئه‌و فایله‌ ده‌نـگیـیه‌ی سه‌ره‌وه‌، ماوه‌كه‌ی 7 خوله‌كه‌.