Accessibility links

چه‌كداره‌كانی تاڵیبان 2 له‌ 21  بارمته‌ كۆریایـیه‌كه‌ ئازاد ده‌كه‌ن


دوو بارمته‌ی ژنی كۆریای باشور كه‌ له‌لایه‌ن میلیشـیاكانی تاڵیبانه‌وه‌ له‌ ئه‌فغانسـتان ڕفێنرابوون ئازاد كران.

دوو ژنه‌كه‌ درانه‌ ده‌سـتی كاربه‌ده‌ســتانی خاچی سووری نێوده‌وڵه‌تی، كه‌ ناوبژیوانی له‌ نێوان كۆریای باشور و چه‌كداره‌كانی تاڵیبان ده‌كه‌ن.

نوێنه‌ری تاڵیبان، به‌ گوته‌ی خۆی وه‌ك نیشـانه‌یه‌كی نیازپاكی، به‌ڵێنی به‌ ئازادكردنی دووان له‌ 21 بارمته‌كه‌ی كۆریای باشوری دابوو.

شـایانی ئاماژه‌ پـێـكردنه‌ 23 هاوڵاتی كۆریای باشور له‌ 19 ی مانگی حه‌وته‌وه‌ له‌ كاتی گشته‌كه‌یاندا له‌ ناوچه‌ی غازنی بۆ كارێـكی خێرخوازی له‌لایه‌ن میلیشـیاكانی تاڵیبانه‌وه‌ ده‌سـتگیركران.

له‌و كاته‌وه‌ چه‌كداره‌كانی تاڵیبان 2 له‌ ده‌ستـگیركراوه‌كانیان كوشتووه‌، وه‌ هه‌ڕه‌شه‌ی كوشـتنی ژماره‌یه‌كی زیاتریش ده‌كه‌ن ئه‌گه‌ربێت و حكومه‌تی ئه‌فغانسـتان داواكانیان بۆ ئازادكردنی زیندانیـیه‌كانی تاڵیبان جێبه‌جێ نه‌كات.

XS
SM
MD
LG