پاش كشـانه‌وه‌ی به‌ره‌ی ته‌وافقی عه‌ره‌به سونـیـیه‌كان له حكومه‌ت، ناڕه‌زایی سونیـیه‌كان له حكومه‌ت، كه گوایه حكومه‌تی مالیكی له‌خۆبایـیه و گوێ ناداته هیچ و داواكاریـیه‌كانیان جێبه‌جێ ناكات.
ئایا سونـیـیه‌كان كه ده‌بینن ئێسـتا ئه‌مریكا پـشـتیان ده‌گرێت و هاوسه‌نگیـیه‌ك دروست بووه بۆیه به‌لایانه‌وه زۆر گرنگ نیـیه هاوكاری حكومه‌ته‌كه‌ی مالیكی بكه‌ن.
جگه له‌مانه مانگی 9 كه په‌رله‌مانی عێراقی له پـشـوودان ده‌گه‌ڕێته‌وه زۆر شـتی گرنـگ ڕووده‌دات، له‌وانه ڕاپـۆرتی ژه‌نه‌ڕاڵ ده‌یڤد پـێتریۆس له‌سه‌ر ڕه‌وشی له‌شـكری له عێراق و ڕاپـۆرتی ڕایان كرۆكه‌ری باڵـیۆزی ئه‌مریكا له به‌غدا سه‌باره‌ت به باری سـیاسی له عێراق. هه‌روه‌ها كۆنگرێسی ئه‌مریكا له‌و مانگه‌دا هه‌ڵوێستی خۆی له‌سه‌ر عێراق وه‌رده‌گرێت.
ئه‌مانه ته‌وه‌ری باسه‌كانی هه‌له‌و واشـنتۆنی ئه‌م هه‌فته‌یه بووه كه ئه‌م به‌ڕێزانه تیایدا به‌شـداریان كردبوو:
ئاڵا تاڵه‌بانی، ئه‌ندامی په‌رله‌مانی عێراق.
سـتران عه‌بدوڵـڵا، سه‌رنووسه‌ری ڕۆژنامه‌ی ئاسـۆ.
ده‌توانن گوێبیسـتی ده‌قی به‌رنامه‌كه بن له ڕێـگه‌ی كلیككردنی ئه‌و فایله ده‌نـگیـیه‌ی سه‌ره‌وه. ماوه‌ی به‌رنامه‌كه 46 خوله‌كه.