Accessibility links

له‌ هێرشێـكی خۆكوژیدا له‌ ڕۆژئاوای به‌غدا به‌لایه‌نی كه‌م 15 كه‌س ده‌كوژرێن


كاربه‌ده‌سـتانی عێراقی ده‌ڵێن خۆكوژێـك خۆی له‌ ده‌ره‌وه‌ی بنكه‌یه‌كی ناونووسكردنی پـۆلیسدا له‌ ڕۆژئاوای به‌غدا ته‌قاندۆته‌وه‌، وه‌ به‌لایه‌نی كه‌م 15 كه‌سی كوشـتووه‌.

ده‌سه‌ڵاتداران ده‌ڵێن ته‌قینه‌وه‌كه‌ ڕۆژی شه‌ممه‌ له‌ شـارۆچكه‌ی ئه‌بو غرێب ڕوویداوه‌، وه‌ زیاتر له‌ 20 كه‌سی دیكه‌ش به‌هۆیه‌وه‌ برینداربوون.

له‌ هه‌واڵه‌كانی تردا، له‌شـكری ئه‌مریكی ده‌ڵێت هێزه‌كانی عێراق 6 گومان لێـكراویان له‌ ڕه‌ضوانیـیه‌ ده‌سـتگیركردووه‌ كه‌ باوه‌ڕده‌كرێت په‌یوه‌ندیـیان به‌ قاعیده‌وه‌ هه‌بووبێت.

له‌شكر گوتیشی ئه‌و هه‌ڵمه‌تانه‌ی ڕۆژی هه‌ینی له‌ ڕۆژئاوای به‌غدا ئه‌نجامدرا مه‌به‌ست لێی بنكۆڵـكردنی هێرشه‌كانی ماشـێـن ته‌قاندنه‌وه‌یه‌ كه‌ ئه‌لقاعیده‌ له‌ پایته‌خت ئه‌نجامی ده‌دات.

هه‌روه‌ها له‌شـكری ئه‌مریكی ڕایگه‌یاند كه‌وا 26 ی مانگی چوار هێزه‌ عێراقی و ئه‌مریكیـیه‌كان له‌ میانه‌ی هه‌ڵمه‌تێـكی پـشـكنینی ماڵ به‌ ماڵدا له‌ له‌تیفیـیه‌ له‌ باشوری به‌غدا 33 گومان لێـكراوی تێرۆریسـتیان ده‌سـتگیركردووه‌.

XS
SM
MD
LG