ده‌سه‌ڵاتدارانی عێراقی ده‌ڵێن ڕۆژی پێنج شه‌ممه هێرشه‌کانی یاخیبوان له عێراق به لایه‌نی که‌مه‌وه 11 که‌سی کوشتووه.
ته‌قینه‌وه‌ی ئۆتۆمبیلێک له بازاڕێکی گه‌ڕه‌کی مه‌دینه‌ت سه‌دری به‌غدا بۆته هۆی کوشتنی به لایه‌نی که‌مه‌وه 4 که‌س و بریندار بوونی زیاتر له 20 که‌سی دیکه. ته‌قینه‌وه‌یه‌کی تریش له به‌غدا بۆته هۆی برینداربوونی ژماره‌یه‌کی دیکه.
له ناوچه‌کانی چوارده‌وری باقوبه‌ش واتا له باکوری به‌غدا به لایه‌نی که‌مه‌وه 6 که‌س کوژراون. هه‌روه‌ها سه‌ربازێکی عێراقیش له به‌له‌د که پاسه‌وانی پاڵاوگه‌کانی نه‌وتی کردووه ته‌قه‌ی لێکراوه و کوژراوه.
کاربه‌ده‌ستانی عێراقیش ده‌ڵێن له میانه‌ی ئه‌و ڕووداوه توندوتیژییانه‌ی مانگی ڕابردوو له سه‌رانسه‌ری ووڵاته‌که‌دا ڕوویداوه، نزیکه‌ی 3500 عێراقی کوژراون و ئه‌مه‌ش به زۆرترین ژماره‌ی ئه‌و قوربانیانه داده‌نرێت که له ماوه‌ی مانگێکدا له دوای ده‌ستپێکردنی شه‌ڕی به ڕێبه‌رایه‌تی ئه‌مریکا له ساڵی 2003 له عێراق کوژرابن.