Accessibility links

له ئه‌فغانستان سه‌ربازێكی ئه‌مریكی كوژراوه‌ و سیانی دیكه‌ش بریندار بوون


هێزه‌كانی هاوپه‌یمانی به‌ ڕێبه‌رایه‌تی ئه‌مریكا له ئه‌فغانستان ده‌ڵێن به‌هۆی ته‌قینه‌وه‌ی مینێك له باشوری ئه‌فغانستان، سه‌ربازێك كوژراوه‌ و سیانی دیكه‌ش بریندار بوون.

هێزی هاوپه‌یمان ڕۆژی پێنج شه‌ممه‌ به‌یاننامه‌یه‌كیان بڵاوكرده‌وه‌ و گوتیان ئه‌و مینه‌ له كاتێكدا ته‌قیوه‌ته‌وه ‌كه سه‌ربازه‌كان هه‌ڵمه‌ته‌كانی ئاسایشیان له‌ ناوچه‌ی نه‌وزای پارێزگای هێلماند ئه‌نجامداوه‌. هه‌روه‌‌ها گوتوشیانه‌ ئه‌و مینه‌ بۆ 25 ساڵ له‌مه‌و پێش گه‌ڕاوه‌ته‌وه‌ كاتێك شه‌ڕ و پێكدادان له‌و ناوچه‌یه‌دا هه‌بووه‌.

له‌گه‌ڵ ئه‌وه‌شدا، ئه‌و به‌یاننامه‌یه‌ ئاماژه‌ی به‌ ڕه‌گه‌زی نه‌ته‌وایه‌تی ئه‌و قوربانیانه‌ نه‌داوه‌.

له لایه‌كی دیكه‌، هێزه‌كانی هاوپه‌یمان و ئه‌فغانستان 21 چه‌كداری تالیبانه‌كانیان له ڕۆژی چوارشه‌ممه‌دا كوشتووه‌ كاتێك هێرشیان كردۆته‌ سه‌ر شوێنی حه‌شارگه‌كانی پارێزگای ئوروزگان له باكوری هێلماند.

جێی باسه‌، هێزه‌كانی ئه‌مریكی و به‌ریتانی هێزه‌كانی هاوپه‌یمانان له ئه‌فغانستان پێك دێنن. ڕێبه‌رانی له‌شكری هه‌ردوو ووڵاتیش دانیان هێنا به‌وه‌ی كه‌وا له‌م هه‌فته‌یه‌دا یاخیبوان به‌ شێوه‌یه‌كی زیاتر به‌هێز بوون هه‌روه‌كو پێشتر پێشنیاری بۆ كرابوو.

XS
SM
MD
LG