Accessibility links

له ئاكامی ته‌قینه‌وه‌ی دوو بۆمب له عێراق به‌ لایه‌نی كه‌مه‌وه‌ 20 كه‌س ده‌كوژرێن


پۆلیسی عێراقی ده‌ڵێن له ئاكامی ته‌قینه‌وه‌ی دوو بۆمب له ڕۆژی هه‌ینی‌دا به ‌لایه‌نی كه‌مه‌وه‌ 20 كه‌س كوژراون و زیاتر له 30 كه‌سی دیكه‌ش بریندار بوون.

یه‌كێك له‌ ته‌قینه‌وه‌كان له‌ نزیك بازاڕێك و به‌نزینخانه‌یه‌كی شاری به‌سره‌ ڕوویداوه‌ كه ‌زۆرینه‌‌ی دانیشتوانه‌كه‌ی شیعه‌ن و له ئاكامدا به‌ لایه‌نی كه‌مه‌وه‌ 10 كه‌س كوژراون و نزیكه‌‌ی 15 كه‌سی دیكه‌ش بریندار بوون.

له شاری به‌عقوبه‌‌ش كه زۆرینه‌ی دانیشتوانه‌كه‌ی سوننه‌ن، بۆمبێك له نزیك مزگه‌وتێكه‌وه‌ ته‌قیوه‌ته‌وه‌ به ‌لایه‌نی كه‌مه‌وه‌ 10 كه‌س كوژراون و زیاتر له 15 كه‌سی دیكه‌ش بریندار بوون.

له‌ به‌غدا، ده‌سه‌ڵاتداران ده‌ڵێن ئاسایش له شاره‌كه‌دا توندكراوه‌ و ته‌نانه‌ت له دوای نوێژی هه‌ینیش هاتوچۆ قه‌ده‌غه‌ كراوه‌ پاش ئه‌وه‌ی پێكدادان له نێوان یاخیبوان و هێزه‌كانی عێراقی و ئه‌مریكی‌دا ڕوویداوه‌.

ده‌سه‌ڵاتداران ده‌ڵێن ژماره‌یه‌ك خه‌ڵكیش له میانه‌ی ئه‌و پێكدادانانه‌ی نزیك گه‌ڕه‌كی حه‌یفا كوژراون. كاربه‌ده‌ستانی عێراقی ده‌ڵێن چه‌كدارانی شیعه‌ی سه‌ر به‌ موقته‌دا ئه‌لسه‌در به‌شداری ئه‌و شه‌ڕ و پێكدادانانه‌یان كردبوو.

‌له لایه‌كی دیكه‌، له‌شكری ئه‌مریكی ده‌ڵێت هێزه‌كانی هاوپه‌یمانان چوار تیرۆرستی بیانی كوژراون و یاخیبویه‌كی عێراقیش له میانه‌ی هێرشێكدا بۆ سه‌ر شاری فه‌للوجه‌ بریندار بوون.

XS
SM
MD
LG