Accessibility links

له هێرشـێـكی ئاسمانی بۆ سه‌ر كه‌رتی غه‌ززه دوو فه‌له‌ستینی ده‌كوژرێن


كارمه‌ندانی ته‌ندروستی فه‌له‌سـتینی ده‌ڵێن هێرشـێـكی ئاسمانی ئیسرائیل 2 چه‌كداری فه‌له‌سـتینی كوشت له‌ كه‌رتی غه‌ززه‌.

ڕادیۆی فه‌له‌سـتینیش ده‌ڵێت به‌ره‌به‌یانی ڕۆژی چوارشه‌ممه‌ ئه‌و 2 كه‌سه‌ له‌گه‌ڵ كۆمه‌ڵێ فه‌له‌سـتیـنیدا بوون كه‌ نزیك كه‌وتبوونه‌وه‌ له‌ ته‌لبه‌نی سـنوری نزیك له‌ خان یونس و فڕۆكه‌یه‌كی جه‌نگی ئیسرائیلی ته‌قه‌ی لێـكردوون. ئیسرائیلیش ده‌ڵێت ئه‌و كه‌سانه‌ تفه‌نـگیان پـێـبووه‌.

ئیسرائیل له‌ هه‌فته‌ی ڕابوردوو هێرشه‌كانی به‌ تۆپ و فڕۆكه‌ بۆ سه‌ر غه‌ززه‌ زیادكردووه‌، له‌ هه‌وڵێـك تا سنورێـك بۆ هێرشه‌ موشه‌كیـیه‌كانی چه‌كداره‌ فه‌له‌سـتینیـیه‌كان بۆ سه‌ر باشوری ئیسرائیل دابنێن.

XS
SM
MD
LG