ئهم بۆنهیه به مهبهستی كۆكردنهوهی كهسانی ئایندار ڕێك دهخرێت تاوهكو بیروباوهڕی هاوبهشیان خۆیان بهرامبهر به خودا دووپات بكهنهوه. یاسادانهرانی ههردوو پارته سهرهكیهكهی ئهمریكا له ساڵانی 1950 كاندا ئهم مهراسیمی نوێژ و نانخواردنی بهیانییه بهڕێوه دهبهن.
ئهم مهراسیمه ئاینیهی ئهمساڵیش پێشتر له واشنتۆن بهم شێوهیه نهبینرابوو كه خاوهن بیروباوهڕی جودا تیایدا بهشداری بكات. ئهم بۆنهیه پشودانێكه لهو ناكۆكی و مشتومڕانهی له جیهاندا ههیه.
شا عهبدوڵلای شانشینی ئوردن گوتی سورهته سهرهتاییهكانی قورئان له ڕاستیدا ههمان پهیامی تهوراتی جولهكهكان و ئنجیلی مهسیحیهكانی ههیه.
له پاشدا داوای له ئامادهبوان كرد بهشداری مهراسیمێكی نوێژ و ئاینداری هاوشێوه له ڕۆژههڵاتی ناوهڕاستدا بكهن، " بۆ ئهوهی نهوهیهكی تر به بێ قهیران و ناڕوایی گهورهبن و چیی دی دووچاری مهینهتیهكانی ههژاری و سهركوت كردن نهبنهوه. بۆ ئهوهی هیچ خانهوادهیهكی تر خۆشهویستانیان له دهست نهدهن، پێكهوه موسوڵمان و جولهكه و مهسیحی دهتوانین ئایندهیهكی نوێ بۆ خاكی پیرۆز پێكبهێنین... ئایندهیهك بۆ ئاشتی"
سهرۆك بوش كه خۆی ئایندارێكی كرسچیانه گوتی له وڵاته یهكگرتووهكانی ئهمریكادا ، خهڵكی ئازاده ههر جۆره بیروباوهڕێكی ئاینی پهیڕوه دهكات یان ههر ئهگهر باوهڕیشی نهبێت. كهسانی ئایندار و خاوهن ویژدانی باشیش، ئهمریكا بههێز دهكهن. ئهم وڵاته و جیهانیش ههر به ههوڵهكانی ئهوان یاریده دراون.
تاكه كهسیش كه قسهی كرد و سهر به هیچ لایهنێكی سیاسی یان حكومی نهبوو، ئهستێرهی موزیكی رۆكی ئیرلهندی بۆنۆ بوو كه چالاكی خوازێكی به پهرۆشی ههڵمهتهكانی لێخۆشبونی قهرز و بنهبڕكردنی نهخۆشی ئهیدزه له ئهفریقا و شوێنهكانی تری جیهان. بۆنۆ گوتی ئاینی ڕێكخراو دهتوانێت ببێته هێزێك بۆ كاری باشه، بهڵام لهوانهشه ببێته ڕێگر لهبهردهم خودا. كهسانی ئایندار ههن دهڵێن به ناوی خوداوه كار دهكهن، كهچی دهبینیت توند و تیژی و پێكدادانیان له زۆربهی بهشهكانی جیهاندا و تهنانهت لهو ووڵاتهی خۆیشی له ئیرلهندا بهرپا كردووه.
بۆنۆ دهستخۆشی له سهرۆك بوش كرد بۆ دووجاكردنی بڕی ئهو یارمهتیانهی بۆ ئهفریقا تهرخان كراون، لهوانه یارمهتیهكان بۆ نههێشتنی نهخۆشی ئهیدز، بهڵام هێشتا كاری زۆریش ماوه بكرێت.