ئێران CNN قه‌ده‌غه ده‌كات

کارمه‌ندانی که‌ناڵی سی ئێن ئین به‌هۆی ڕاگه‌یاندنێکی هه‌ڵه‌وه‌ له‌سه‌ر به‌رنامه ناوه‌کیه‌که‌ی ئێران له‌ کارکردن له‌و ووڵاته‌دا قه‌ده‌غه‌ کراون

ئێران ڕێگه‌ له ڕۆژنامه‌وانانی ده‌زگای سی ئێن ئێن ده‌گرێت که له ووڵاته‌که‌یه‌وه‌ کار بکه‌ن دوای ئه‌وه‌ی ڕایانگه‌یاندووه‌ سه‌رۆکی ئێرانی گوتویه‌تی ووڵاته‌که‌ی مافی دروستکردنی چه‌کی ناوه‌کی هه‌یه‌. به‌ پێی ئێران ئه‌و ووته‌یه‌ی سه‌رۆکه‌که‌یان به هه‌ڵه‌ وه‌رگێڕاوه‌.

سه‌رۆک مه‌حمود ئه‌حمه‌دی نژاد ڕۆژی شه‌ممه‌ به ڕۆژنامه‌وانانی ڕاگه‌یاندبوو که‌وا ووڵاته‌که‌ی مافی به‌کارهێنانی ته‌کنه‌لۆژیای ناوه‌کی هه‌یه‌. به‌ڵام وه‌رگێڕه‌که‌ی که‌ناڵی سی ئێن ئێن له‌ جیاتی ئه‌و ووتانه‌، ووشه‌ی چه‌کی به‌کارهێناوه‌ و ئه‌مه‌ش بۆته‌ هۆی گۆڕینی مانای ووته‌کانی سه‌رۆکی ئێرانی.

که‌نالی سی ئێن ئێن به‌ شێوه‌یه‌کی ڕه‌سمی داوای لێبوردنیان کردووه‌. به‌ڵام ئێران ده‌ڵێت په‌یامنێران و ڕۆژنامه‌وانانی ئه‌و که‌ناڵه‌ تا ئه‌و کاته‌ی ئاگادارکردنه‌وه‌یه‌کی نوێیان پێده‌گات له کارکردن قه‌ده‌غه‌ ده‌کرێن.

که‌ناڵی سی ئێن ئین رۆژی دووشه‌ممه‌ گوتویه‌تی سه‌باره‌ت به‌و قه‌ده‌غه‌ کردنه‌وه‌یه‌ به شێوه‌یه‌کی ڕه‌سمی له لایه‌ن ئێرانه‌وه‌ ئاگادار کراونه‌ته‌وه‌.

جێی باسه‌، سی ئین ئێن په‌یامنێرێکی هه‌میشه‌یی له ئێران نیه‌، به‌ڵام ناو به‌ ناو ڕێگه‌یان پێدراوه‌ بچنه‌ ناو ئه‌م ووڵاته‌وه‌‌ به مه‌به‌ستی کارکردن بۆ ماوه‌یه‌کی کورت.