Accessibility links

پارتێکی باڵای سونه‌کانی عێراق پشتگیری خۆیان بۆ به‌رنوسی ده‌ستور ڕاگه‌یاندووه‌


یه‌کێک له گروپه‌ سیاسیه‌ سونیه‌ باڵاکانی عێراق ڕازی بوون به پشتگیری کردن له ده‌ستوری نوێی ووڵاته‌که‌ له ڕۆژی ریفراندۆم که بڕیاره‌ شه‌ممه‌ی داهاتوو ئه‌نجام بدرێت پاش ئه‌وه‌ێ که‌ گه‌یشتنه ڕێکه‌وتنێک له‌گه‌ڵ دانوسانده‌ران ده‌رباره‌ی بیرکردنه‌وه‌ له‌ ئه‌نجامدانی چه‌ند گۆڕانکارییه‌ک له به‌رنوسی ئه‌و ده‌ستوره‌دا.

بڕیاره‌ له دره‌نگانێکی ڕۆژی چوارشه‌ممه‌دا، په‌رله‌مانی عێراقی که زۆرینه‌یان شیعه‌کان‌ و کورده‌کانن له میانه‌‌ی کۆبونه‌وه‌یه‌کی تایبه‌تدا گفتوگۆ له‌سه‌ر ئه‌و ڕێکه‌وتنه‌ بکه‌ن. له‌ دره‌نگانێکی ڕۆژی سێشه‌ممه‌دا، پارتی سیاسی عه‌ره‌به‌ سونه‌کانی عێراق – پارتی ئیسلامی عێراق – پشتگیری خۆی بۆ به‌رنوسی ده‌ستور ڕاگه‌یاند دوای ئه‌وه‌ی کورده‌کان و شیعه‌کان ڕازی بوون به ئه‌نجامدانی گۆڕانکاری له‌و ده‌ستوره‌دا.

تاوه‌کو ئێستاش ئاشکرا نیه‌ که‌ ئه‌گه‌ر گروپه‌ سونیه‌کانی تر له‌ بانگه‌شه‌کانیان بۆ پشتگیری نه‌کردن له ده‌ستور پاشگه‌ز ده‌بنه‌وه‌ یان نا. کاربه‌ده‌ستانی ئه‌مریکیش له لای خۆیانه‌وه فشارییان خستۆته‌ سه‌ر سونیه‌کان که پشتگیری له ده‌ستور بکه‌ن به‌و هیوایه‌ی هێرشی یاخیبوان له ووڵاته‌که‌دا که‌م ببێته‌وه‌ و ڕێگه‌ به‌ کشانه‌وه‌ی سه‌ربازه‌ بیانیه‌کان بدرێت.

XS
SM
MD
LG