Accessibility links

ووڵاته یه‌كگرتووه‌كانی ئه‌مریكا ڤیزه‌ی داوه به سه‌رۆكی ئێرانی بۆ ئه‌وه‌ی بتوانێت به‌شداری لوتكه‌ی ڕێبه‌رنای جیهانی بكات


ووڵاته‌ یه‌كگرتووه‌كانی ئه‌مریكا ڤیزه‌ی داوه‌ به‌ سه‌رۆكی ئێرانی تاوه‌كو بتوانێت ئاماده‌ی لوتكه‌ی ڕێبه‌رانی جیهان بێت له نه‌ته‌وه‌ یه‌كگرتووه‌كان كه له هه‌فته‌ی داهاتوودا له‌ شاری نیۆرك ده‌به‌سترێت.

قسه‌كه‌ری وه‌زاره‌تی ده‌ره‌وه‌ی ئه‌مریكا سیان مه‌ككۆرماك ڕۆژی چوارشه‌ممه‌ گوتی ئه‌و بڕیاره‌ بۆ دانی ڤیزا به‌ سه‌رۆك مه‌حمود ئه‌حمه‌دی نژاد له‌سه‌ر بنچینه‌ی جێبه‌جێكردنی ئه‌ركه‌كانی سه‌رشانی ئه‌مریكابووه‌ كه‌ ووڵاتی میوانداری ڕێكخراوی نه‌ته‌وه‌ یه‌كگرتووه‌كانه‌.

به‌ڕێز مه‌ككۆرماك گوتیشی ڕۆژی سێشه‌ممه‌ ئه‌و بڕیاره‌ به‌ پێی فه‌رمانی وه‌زیری ده‌ره‌وه‌ی ووڵاته ‌یه‌كگرتووه‌كانی ئه‌مریكا‌ خانم كۆنده‌لیزا رایسه‌وه‌ ده‌رچووه‌. به‌ڕێز مه‌ككۆرماك گوتیشی ئه‌گه‌ر هاتوو به‌ڕێز ئه‌حمه‌دی نژاد سه‌رۆكی ووڵات نه‌بوایه‌ ئه‌وا ڤیزه‌یان پێ نه‌ده‌به‌خشی، به‌هۆی ئه‌وه‌ی گومانی به‌شداربوون له ده‌ستگرتن به‌سه‌ر باڵیۆزخانه‌ی ئه‌مریكی ساڵی 1979 ی تارانی لێده‌كرێت.

به‌ڕێز مه‌ككۆرماك له ماوه‌ی كۆنگره ڕۆژنامه‌وانیه‌كه‌دا بانگه‌شه‌ی حكومه‌تی ئێرانی كرد كه وه‌ڵامی پرسیاره‌كانی ئه‌مریكا بداته‌‌‌وه‌ ده‌رباره‌ی ڕۆڵی ئه‌حمه‌دی نژاد له‌و ڕووداوی گه‌مارۆدانه‌دا.

XS
SM
MD
LG