به‌ریتانیا راگه‌هاند كو لهیڤیێیه مالپه‌ره‌كا كۆمپیوته‌رێ دانێت بو كومكرنا پێزانینا لسه‌ر توندرێیان كو ره‌نگه بكه‌فنه به‌ر پرس و ڤه‌كولینێ ورێكا وان نه‌ئێته دان ده‌ربازی وی وه‌لاتی ببن.
وه‌زیرێ ناڤخویێ به‌ریتانی چالس كلارك گوت ئه‌و نه‌خشه هاتیه دانان پشتی هێرشێت فێ مه‌هێ ل له‌نده‌ن كو بونه ئه‌گه‌را كوشتنا بكێمیڤه په‌نجا و شه‌ش كه‌سان.
وی گوته په‌رله‌مانی دوێ مالپه‌رێدا دێ ناڤێت وان كه‌سا نڤیسن كو ره‌فتارا وان جهێ قه‌بولێ نینه، وه‌كی به‌لاڤكرنا بیروهزرێت توند، دانانا مالپه‌رێت توندرێ لكومپیوته‌رێ، یانژی گوتارێت كو ره‌نگه تیرۆرزمێ بئازرینیت.
وی هه‌روسا راگه‌هاند كو قانونه‌كا نو دێ ئێته دانان بو وان مه‌لا كو خه‌لكی بو تیرۆرزمی پاڵدده‌ن. ئه‌و قانون هه‌روسا دێ رێكێ ده‌ته كاربده‌ستا، به‌ری هێرش بقه‌ومن، به‌رگومانا بگرن.