ئاژانسی هەواڵی (شانا)ی سەر بە وەزارەتی نەوتی ئێران ڕۆژی پێنجشەممە بڵاویکردەوە، موحسین پاکنەژاد، وەزیری نوێی نەوتی ئێران، حەمید بووردی وەک بەڕێوەبەری جێبەجێکاری کۆمپانیای نیشتمانی نەوتی ئێران دەستنیشانکردووە.
شانا ڕایگەیادووە، بە فەرمانی وەزیری نەوت، حەمید بوورد وەک بریکاری وەزیری نەوت و بەڕێوەبەری جێبەجێکاری کۆمپانیای نیشتمانی نەوتی ئێران دەستنیشان کراوە.
ئاژانسەکە دەڵێت ئەو وەزیرە ئەندامانی دەستەی کارگێڕی کۆمپانیاکەشی دەستنیشانکردووە.
پاکنەژاد لە 21ی هەشت وەک وەزیری نوێی نەوتی ئێران پەسەند کرا کە بەشێکە لە کابینە یەکگرتووەکەی مەسعود پزیشکیان.
ئێران یەکێکە لە بەرهەمهێنەرە سەرەکییەکانی نەوت لە ڕێکخراوی وڵاتانی هەناردەکاری نەوت (ئۆپێک).