Accessibility links

به‌رپرسی ئاسایشی رووسیا سه‌ردانی چین ده‌كات


نیكۆلای پاتروشێڤ، سكرتێری ئه‌نجومه‌نی ئاسایشی ڕووسیا

وه‌زاره‌تی ده‌ره‌وه‌ی چین ڕایگه‌یاند، نیكۆلای پاتروشێڤ، سكرتێری ئه‌نجومه‌نی ئاسایشی ڕووسیا له‌ ڕۆژی یه‌كشه‌ممه‌وه‌ سه‌ردانێکی دوو ڕۆژه‌ بۆ چین ده‌ست پێده‌كات، کە ڕاوێژكاری و كۆبوونه‌وه‌ی ئه‌منی دەگرێتەوە.

وەزارەتی دەرەوەی چین لە بەیاننامەیەکدا کە ڕۆژی یەکشەممە لە ماڵپەڕی خۆی بڵاویکردووەتەوە ڕایگەیاند، پاتروشێڤ لە سەردانەکەیدا بەشداری لە حەڤدەهەمین خولی ڕاوێژکارییە ئەمنی ستراتیژیی ڕووسیا، و حەوتەمین کۆبوونەوەی هاوکاریی ئاسایشی جێبەجێکردنی یاسا چین و ڕووسیا دەکات.

ئه‌م كۆبوونه‌وه‌یه‌ دوای ئه‌وه‌ دێت كه‌ لە رۆژی پێنجشه‌ممه‌ی رابردوودا، شی جین پینگ، سه‌رۆكی چین و ڤلادیمێر پوتینی هاوتا ڕووسییه‌كه‌ی له‌ ئۆزبه‌كستان گفتوگۆی ڕاستەوخۆیان كرد‌، كه‌ یه‌كه‌م كۆبوونه‌وه‌یان بوو له‌دوای سه‌رهه‌ڵدانی شه‌ڕی ئۆكرانیایه‌وه‌.

شەڕی ڕووسیا لە ئۆکرانیا بووەتە هۆی کوژرانی دەیان هەزار کەس و ئابوری جیهانی تێکداوە بە بەرزبوونەوەی نرخی خۆراک و وزە لەم دەمەی گەورەترین ڕووبەڕووبوونەوەی نێوان مۆسکۆ و ڕۆژئاوا لە دوای جەنگی ساردەوە ڕوویداوە.

سەرچاوە: ڕۆیتەرز

.

XS
SM
MD
LG