زۆر کەم بەرچاوت دەکەوێت کە ژنێک لە سەنتەرەکانی شاری موسڵ کاری ڕۆژنامەوانی بکات، بەتایبەت وێنەگری، هەرچەندە بەشێک لە ژنان ئەو ڕێچکەیەیان شکاندوە بەڵام بێگومان ئەوانیش لە میانەی کارەکانیاندا ڕووبەڕوی گەلێک کێشەو گرفت دەبنەوە، بەشێک لەو ڕۆژنامەوانە ژنانەش بە دەنگی ئەمەریکان گوت، هۆکاری کەمی خانمانی ڕۆژنامەوان دەگەرێتەوە بۆ زاڵبونی دابونەریتی کۆمەڵایەتی لە شارەکەدا، پاشانیش نەبوونی دەزگایەکی نێودەوڵەتی بۆ پشتگیرکردن لە خانمانی ڕۆژنامەوان هۆکارێکی دیکەیە.