Accessibility links

شاعیری بەناوبانگ ئەماندا گۆرمان دەڵێت پاسەوانێکی ئاسایشی گومانی لێکردووەو دوای کەوتووە


شاعیری گەنجی ئەمەریکایی ئەماندا گۆرمان لە تویتێکدا ڕایگەیاند پاسەوانێکی ئاسایشی شەوی هەینی "دوای کەوتووە" لە کاتێکدا بە پێی ڕۆشتۆتەوە بۆ ماڵەکەی خۆی لە لۆس ئانجلس و پاسەوانەکە پێی گوتووە لە " گومانلێکراو دەچیت."

گۆرمان‌ی تەمەن 22 ساڵ بوو بە گەنجترین شاعیری کە لە مەڕاسیمی سوێندخواردنی سەرۆکایەتی شیعر پێشکەش بکات کاتێک لە مەڕاسیمەکەی سوێندخواردنی جۆو بایدن لە 20 ی مانگی 1 شیعرێکی بەناوبانگی پێشکەش کرد و ئامادەبوانی سەرسام کرد.

ئەو لە تویتێکدا دەڵێتپاسەوانەکە دەیویست بزانێت " ئەگەر لەوێ بژیم " و " کلیلەکانم نیشان دا و خۆم بەپەلە کردبە ناو بیناکەدا. ئەو ڕۆشت و داوای لێبوردنیشی نەکرد. ئەمە ڕاستی کچی ڕەشپێستە. ڕۆژێک دەبیتە کەسایەتی تایبەت، ڕۆژی دواتر هەڕەشەیەک."

گۆرمان لە تویتەکەیدا دەشڵێت " لەلایەکەوە ڕاست بوو، من هەڕەشەیەکم: بۆ ناڕەوایەتی، بۆ نایەکسانی، بۆ پشتگوێخستن. هەر کەسێک کە ڕاستی بڵێت و بە هیواوە ڕێبکات هەڕەشەیەکی ڕوونی کوشندەیە بۆ ئەو دەسەڵاتەی کە هەیە."

گۆرمانبوو بە جێگای سەرنجی میدیاکان پاش خوێندنەوەی شیعرێک بە ناوی " ئەو هەورازەی پیایدا سەردەکەوین" لە مەڕاسیمی سوێند خواردنەکەی بایدن.

لە ساڵی 2017 کاتێک تەمەنی 19 ساڵان بوو و خوێندکاری زانکۆی هارڤەرد بوو، بوو بە یەکەم شاعیری لاوی نیشتمانی.

XS
SM
MD
LG