ئاژانسی هەواڵی دەوڵەتی سوریا (سانا) ڕۆژی شەممە بڵاوی کردەوە ئۆتۆمبێلێکی بۆمبڕێژکراو لە بازاڕێکی سەوزەی شاری سەرێکانی تەقیوەتەوە و لە ئەنجامدا ژمارەیەک کەس کوژران و برینداربوون.
بە گوێرەی زانیارییەکانی سانا، لە تەقینەوەکەدا 2 منداڵ کوژراون و دایکیشیان بریندار بووە.
ئاژانسەکە دەشڵێت ژمارەیەک لەو چەکدارانەش کە تورکیا پشتیوانیان لێدەکات لەو تەقینەوەیەدا کوژراون.
تورکیا کە لەگەڵ چەند گرووپێکی ئۆپۆزسیۆنی سووریا هاوپەیمانە، لە ساڵی 2019 شاری سەرێکانی کۆنترۆڵ کرد و شەڕڤانانی یەکینەکانی پاراستنی گەل (یەپەگە)یان لەوێ دەرکرد.
تورکیا یەپەگە بە گروپێکی تیرۆریستی دەناسێت، بەڵام یەپەگە بەشێکە لە هێزەکانی سوریای دیموکرات (هەسەدە) کە لەلایەن ئەمەریکاوە پشتیوانی دەکرێت.