Accessibility links

کۆریای باشور ماوەی قەدەغەکردنی گەشتی ئاسمانی لە بەریتانیاوە درێژ دەکاتەوە


کۆریای باشور ماوەی قەدەغەکردنی گەشتی ئاسمانی لە بەریتانیاوە درێژ دەکاتەوە

کۆریای باشور ڕۆژی دووشەممە ڕایگەیاند قەدەغەکردنی گەشتی ڕاستۆخۆ لە بەریتانیاوە هەتا 7 ی مانگی 1 بەردەوام دەبێت پاش ئەوەی سێ کەس کە بەمدواییانە چوونەتە وڵاتەکەوە دەرکەوتووە هەڵگری جۆرە نوێیەکەی ڤایرۆسی کۆڤید-19 بوون کە سەرەتا لە بەریتانیاوە بڵاو بۆوە.

ئاژانسی کۆریا بۆ کۆنترۆڵکردن و ڕێگەگرتن لە نەخۆشییەکان ڕایگەیاند ئەو سێ کەسە لە 22 ی مانگی 12 لەناو گەشتێکی لەندەنەوە گەیشتوونەتە وڵاتەکە و ئەوانەش یەکەم حاڵەتەکانی ئەم جۆرە نوێیەی کۆڤید-19 بوون لە کۆریای باشور.

ژاپۆن، کە یەکەم حاڵەتی ئەم جۆرە گۆڕاوەی ڤایرۆسی کۆڤید-19ی ڕاگەیاندووە، هاتنی هەمو بیانییەکی کە دانیشتوی ژاپۆن نەبن لە نیوەشەوی دووشەممەوە هەتا کۆتایی مانگی 1 قەدەغە دەکات.

کاربەدەستان لە ئەمەریکاش دەڵێن لە ڕۆژی دووشەممەوە ئەو کەسانەی لە بەریتانیاوە دەگەن دەبێت بەڵگەی تاقیکردنەوەی ئەنجامی نەرێنی کۆڤید-19 یان هەبێت کە کەمتر لە 72 کاتژمێر بەر لە گەشتەکەیان ئەنجامیان دابێت.

لە هەمانکاتدا چاوەڕوان دەکرێت کاربەدەستانی بەریتانیا لەم هەفتەیە ڤاکسینی ئاسترازەنێکای دژە ڤایرۆسی کۆرۆنا پەسەند بکەن و سەرۆکی کۆمپانیاکەش دەڵێت بەهەمان شێوەی ڤاکسینەکانی فایزەر-بایۆنتێک و مۆدێرنا دژ بە ڤایرۆسەکە کاریگەری هەیە.

XS
SM
MD
LG