Accessibility links

پێکدادان لە نێوان پۆلیس و خۆپیشاندەرانی لوبنانی ڕوودەدات


لە میانەی خۆپیشاندانەکانی دژە حکومەت لە بەیروت شەوی هەینی پێکدادان لە نێوان خۆپیشاندەران و هێزەکانی ئاسایش ڕوویدا. خۆپیشاندەران شوشەو پەنجەرەکانیان دەشکاند، گڕیان لەدوکان و بازاڕەکان بەردەدا و بەرد تۆپتەرەقەیان دەگرتە هێزەکانی پۆلیس.

هێزەکانی ئاسایشیش گازی فرمسێسکڕژێنیان دژ بە خۆپیشاندەران بەکار هێنا لە هەوڵێکدا بۆ بڵاوەپێکردنیان بەڵام ژمارەی خۆپیشاندەران هەر زیاتر دەبوو.

خۆپیشاندانەکان له‌ژماره‌یەک شاری لوبنان ده‌ستیپێكرده‌وه‌ ئه‌ویش پاش ئه‌وه‌ی نرخی لیره‌ هاڕه‌یكرد، بووه‌ هۆی له‌ده‌ستدانی له‌ 70% ی نرخەکەی و لەوەتای مانگی 10 ی ساڵی ڕابوردۆوە به‌وجۆره‌ نرخ دانه‌به‌زیووه‌، لەکاتێكدا لوبنان له‌ قه‌یرانێكی گه‌وره‌ی ئابوریدایه‌ كه‌ به‌ته‌واوەتی كاری كردۆته‌ سه‌ر ژیان و گوزه‌ران له‌و وڵاته‌دا.

به‌ڕێوه‌چوونی ئه‌م خۆپیشاندانانه‌ لەکاتێكدایه‌ كه‌ كه‌ حكومه‌تی به‌یروت ده‌ستیكردووه‌ به‌گفتوگۆكان له‌گه‌ڵ سندوقی نه‌ختینه‌یی نێوده‌وڵه‌تی له‌چوارچێوه‌ی به‌رنامه‌ی چاكسازی به‌هاوكاریكردنی چەندین ملیار دۆلار بۆ بنیادنانه‌وه‌ی ژێرخانی ئابوری و خستنه‌وه‌ سه‌ر ڕێچكه‌ی ئابوری ئه‌و وڵاته‌.

ئه‌م قه‌یرانه‌ش بۆته‌ هۆی گه‌نده‌ڵی و به‌هه‌ده‌ردان، هه‌روه‌ها به‌رزبوونه‌وه‌ی نرخی خۆراک و زیادبوونی بێ كاری.

XS
SM
MD
LG