سێی مانگی پێنجی هەموو ساڵێک، ئەو ڕۆژەیە بۆنە وئاهەنگ سازدەدرێن لە پێناو پرنسیپە بنەماکانی ئازادی ڕاگەیاندن لە جیهاندا. ئەمەش بۆ ئاوەردانەوە لە ڕووداوەکانی پەیوەست بەو پیشەیە وهەڵسەنگاندەنی ئازادی ڕاگەیاندن لەسەرانسەری دوونیا و بۆ وەبیرهێنانەوە و ڕێزگرتن لە ئەو ڕۆژنامەنووسانەی تەنها لە پێناو پەیرەویکردنی ئەرک وپیشەکەیان گیانیان لەدەستداوە.
لەمڕۆژەدا دەپرسین ئایا ئەو سەختییانە چین کەوا بەرۆکی ڕۆژنامەوانانی کورد دەگرن؟ ئایا ئازادی ڕاگەیاندن لە ناوچە کوردییەکان لە خۆڕهەڵاتی ناوڕاست بۆ ڕۆژنامەوانان دابین کراوەو لە ڕووی دەستوورەوە جێبەجێکراوە؟ڕۆڵی ژنان لە بواری ئازادی ڕاگەیاندندا لە چ ئاستێکدایە؟ ژنانی ڕۆژنامەنووس تا چەند توانیویانە تەلیسمی کۆنتڕۆڵی پیاوان بشکێنن لەوبووارەدا؟ ئەم پرسیاران وزۆریتریش حەیدەر کەریم لە دەنگی ئەمەریکا لە ئەم وتووێژەیدا دەیانخاتە بەرباسەوە لەگەڵ ڕۆژنامەنووس ئاگری ئیسمائیل نەژاد بنکە لە نەمسا.
