Accessibility links

هادی سۆفیزادە: ئیدلب دوواترین کارتی ئەردوگانە


Hadi Sofizadeh

هادی سۆفیزادە: ئیدلب دوواترین کارتی ئەردوگانە

وەکو دەووترێ لە پەیوەندیە نیۆنەتەوەییەکاندا دۆستایەتی هەمیشە نییە بەڵکو بە بەرژەوەندیەکانەوە گرێدراوە. بەوی ئێستاکە لە ئیدلب دەگوزەرێ وە ئەو گرژییەی کەوتوەتە نێوان تورکیا و روسیا، ئاخۆ ئەم دۆستایەتیە بەرەو کوێ دەچێت؟

هادی سۆفیزادە لێکۆڵەر و چاودێری کاروباری رامیاری لە هەڤپەیڤینێکدا لەگەڵ بەشی کوردی دەنگی ئەمەریکا دەڵێت " پەیوەندی روسیا لەگەڵ تورکیا لە کەشێکی نە باوەرییدا بوە ، وە بە پێی مێژووێ نێوان ئەو دوو وڵاتەش هەمیشە لە شەڕ و ناکۆکیدا بوونە، بەڵام هاوکات بە پێی گۆڕانکاریەکان و دونیای نوێ ئەویش گۆڕانی بەسەردا هاتووە و هەندی بەرژەوەندی هاووبەشیشیان هەیە، لە دونیای ئەمرۆدا ئەوەی کە من لە زانستی سیاسی گەیشتووم، وڵاتانی روسیا و ئەمەریکا سەرەرای گرژیەکانیان کۆدەنگیەکیان هەیە لەوەی کە چاویان کۆنترۆڵێکی وڵاتانی ئیسلامی بکەن، جیهانی مەسیح لەگەڵ ئیسلام جیا بکەنەوە لە پەیوەندیەکانیاندا، بەڵام بە گشتی لێردەدا لە شەڕێکدا کە ئەمڕۆ لە سوریا هەیە وە لە سوریاش لە ئیدلب، لێرەدا دیزانێکی نوێ لە پەیوەندی دیپلۆماتیکی نەک هەر لە نێوان تورکیا و روسیا، تورکیا لەگەڵ هەموو دونیا، روسیا لەگەڵ هەموو دونیا، ئەمەریکا لەگەڵ هەموو دونیا مێژوویەکی نوێ دا ئەڕێژێتەوە کە ئێستا ئیدلب خاڵی گۆڕانکاریەکانە ".

کاک هادی هەر وەها دەڵێت " من ئەتوانم یەک شت بڵێیم لە دووای کۆبۆنەوەی ساڵی 2019 ی نێوان ترامپ و پوتن لە هیلسنکی رێکەوتنێکی هەیە لەسەر داڕشتنەوەی قەیرانی رۆژهەڵاتی ناوەراست، وە ئەوەی کە ئێستا ئەکرێت مرۆڤ وەکو یاریەک ئەیبینێت، تورکیا لە بارودۆخێکی ئاڵۆزدایە بێت و هەر چەشنە هێڕشێک بکاتە سەر سوریا کە ئەمرۆ ئەیکات، زۆر زۆر بە گران بۆێ تەواو ئەبێت، ئەوەی تا ئێستا رووێ داوە " شیرینی خواردنەوەکەی بوە" بە قەولی کوردی وە ئەگەریش بگەڕێتەوە و لەوێ شکەشت بخوات دیسان لە ناوخۆێ تورکیادا تووشی داڕمانێکی گەورە ئەبێت".

کاک هادی دەشڵێت " ئیدلب دوواترین کارتی ئەردوگانە کە بە دەستویەتی، چ ئەمەریکا وە چ روسیا تەواوی بیانوەکانی تورکیایان لە مەسەلەی سوریادا بڕیوە، ئەردوگان هیچ دەلیلێکی نەماوە، بۆیە دەستی رۆکەوتووە وە ئەگەر لە شوێنێک شکەست بخوات لە شوێنێکی تر قەیرانێکی تر درووست دەکات".

please wait

No media source currently available

0:00 0:10:35 0:00


XS
SM
MD
LG