ڕۆژی پێنجشەممە لوبنان هۆشداری لەلایەن پۆلیسی ئینتەرپۆڵ بۆ دەستگیرکردنی سەرۆکی پێشوی نیسان کارلۆس غۆسن پێگەیشت ئەمەش لە کاتێکدایە کە تورکیا دەستیکردووە بە لێکۆڵینەوەیەک لەسەر هەڵاتنی لە ژاپۆنەوە.
غۆسن بوو بە کەسایەتییەکی هەڵاتووی جیهانی کاتێک ڕۆژی سێشەممە ئاشکرای کرد کە هەڵاتووە بۆ لوبنان بۆ ئەوەی ڕزگاری بێت بە وتەکانی خۆی لە سیستمی ناڕەوای دادپەروەری ژاپۆن.
سەرجاوەیەکی دادوەری لوبنان بە ئاژانسی ڕۆیتەرزی ڕاگەیاندووە داواکارییەکەی ئینتەرپۆل بۆ دەستگیرکردنی کەسێکی هەڵاتوو، گەیشتۆتە دەستی هێزەکانی ئاسایشی ناوخۆی لوبنان و پێویستە ئەوانیش بینێرن بۆ دەسڵاتی دادوەری.
کاربەدەستانی حکومەتی لوبنان هەتا ئێستا لەم بارەوەیەوە نە هیچیان گوتووە و نە هیچ هەنگاوێکیشیان ناوە.
غۆسن کە ڕەگەزنامەی فەرەنسا، لوبنا و بەرازیلیشی هەیە بە قاچاخ بە ڕێگای کۆمپانیایەکی تایبەتی ئاسایشیەوە لە تۆکیۆ دەرباز کرا.
ئەم پلانەش بۆ سێ مانگ بەردەوام بوو و پێویستی بەوە دەکرد بە تورکیادا تێپەڕبێت.
پۆلیسی تورکیا لە ڕژی پێنجشەممە حەوت کەسیان دەستگیر کرد لە ناویاندا چوار فڕۆکەوانیش، وەکو بەشێک لە لێکۆڵینەوەکان لەسەر تێپەڕبوونی غۆسن بە وڵاتەکەدا.
.