بەرپرسانی ئەفغانی وتیان بەهۆی تەقینەوەی بۆمبێکەوە لەسەر ڕێگایەک بەلایەنی کەمەوە 15 هاوڵاتی مەدەنی گیانیان لەدەستداوە و هەشت منداڵ و شەش ئافرەتیان تێدایە.
سەرۆکی ناوچەی " ئیمام سوهەیب "مەحبوبەڵا سەیدی وتی ڕووداوەکە لەسەر ڕێگای سەرەکی ناوچەکە ڕوویداوە. ئەم ناوچەیە لەم مانگانەی دواییدا ڕووبەڕووی شەڕ و پێکدادانێکی زۆر بۆتەوە لەنێوان هێزەکانی حکومەت و چەکدارانی تاڵیباندا.
وتیشی " ئەو خێزانانە لەڕێگادابوون بۆ بەشداریکردن لە ئاهەنگێکی هاوسەرگیریدا لەکاتێکدا ئوتومبێلەکەیان بەسەر بۆمبەکەدا ڕۆشتووە و ژیانیان لەدەستداوە."
لە نیوەی یەکەمی ئەمساڵدا بەلایەنی کەمەوە 3812 بەهۆی کردەوە توندوتیژییەکانەوە لە ئەفغانستان کوژراون. نەتەوە یەکگرتووەکانیش دەڵێت لە نیوەی یەکەمی ئەمساڵدا 144 ئافرەت و 327 منداڵ و زیاتر لە هەزار کەس برینداربوون.
سەرچاوە/ ڕۆیتەرز