Accessibility links

بەهۆی تەقەکردن لە ناو باڵەخانەی شارەوانی شارێکی ئەمەریکا 12 کەس دەکوژرێن


پۆلیس لە ولایەتی ڤێرجینیای وڵاتە یەکگرتووەکانی ئەمەریکا دەڵێت کارمەندێکی توڕەی خزمەتگوزاری ئاو و کارەبا 12 کەسی لە باڵەخانەی شارەوانی ڤێرجینیا بیچ کوشتووە بەرلەوەی لەلایەن پۆلیسەوە بکوژرێت.

بەرپرسی پۆلیسی ڤێرچینیا بیچ
بەرپرسی پۆلیسی ڤێرچینیا بیچ

بەرپرسی پۆلیسی شارەکە، جەیمس سێرڤێرا، گوتی هێرشبەرەکە پاش ئەوەی دوای کاتژمێر 4 ی ئێوارەی ڕۆژی هەینی چۆتە ناو باڵەخانەی شارەوانی دەستیکرد بە تەقەکردن لە قوربانییەکان بەبێ فەرق و جیاوازی کردن.

ئەو بەرپرسە گوتیشی شەش کەسی تریش بریندار بوون.

سێرڤێرا ئەو چەکدارەی بە کارمەندێکی توڕەی لەمێژینەی خزمەتگوزاری ئاو و کارەبای شارەکە لەقەڵەمدا بەڵام باسی لەوە نەکرد چ شتێک بووە بە هۆکاری هێرشەکە.

سێرڤێرا گوتی ئەوان دەزانن گومانبارەکە کێیە بەڵام جارێ ئامادەنین بۆ ئاشکرا کردنی ناوەکەی.

XS
SM
MD
LG